கொளுத்தும் வெயிலை சமாளிக்க கட்டுமான தொழிலாளர்கள் கையாண்ட மாஸ் ஐடியா… நெஞ்சை உருக்கும் வைரல் வீடியோ…!

தற்போது நிலவி வரும் கடுமையான கோடைகாலத்தில், மக்கள் தங்களை வெப்பத்திலிருந்து பாதுகாத்துக் கொள்ள வீடுகளுக்குள் தஞ்சமடைந்து வரும் நிலையில், கட்டுமானத் தொழிலாளர்கள் திறந்தவெளியில் கொளுத்தும் வெயிலிலும் தொடர்ந்து உழைத்து வருகின்றனர். இத்தகைய சூழ்நிலையில், கட்டுமானப் பணி நடைபெறும் இடத்தில் தொழிலாளர்கள் தங்களை வெயிலின் தாக்கத்திலிருந்து தற்காத்துக் கொள்ள கையாண்ட எளிய தந்திரம் (ஐடியா) குறித்த வீடியோ ஒன்று சமூக வலைதளங்களில் வெளியாகி தற்போது வைரலாகி வருகிறது.

அந்த வீடியோவில், ஒரு கட்டுமானப் பகுதியில் ஆண்கள் மட்டுமின்றி பெண் தொழிலாளர்களும் இணைந்து மிகக் கடுமையான வெயிலில் வேலை செய்து கொண்டிருக்கின்றனர். அப்போது, அதிகப்படியான வெப்பத்தால் உடல் சோர்ந்து போன ஒரு தொழிலாளி, அங்கிருந்த தண்ணீர் குழாயின் உதவியுடன் முதலில் தன் மீது தண்ணீரை ஊற்றிக் கொள்கிறார். இதன் மூலம் அவரது உடலுக்கு உடனடியாக ஒரு தற்காலிக குளிர்ச்சி கிடைக்கிறது.

பின்னர், அவர் அதே தண்ணீர் குழாயைக் கொண்டு அருகில் வேலை செய்து கொண்டிருக்கும் மற்ற தொழிலாளர்கள் மீதும் தண்ணீரை ஊற்றி நனைக்கிறார். வெயில் அதிகமாக இருப்பதால், ஆடைகள் மற்றும் உடல் நனைந்த பிறகு அந்த ஈரம் காய்வதற்கு சிறிது நேரம் எடுக்கும் என்பதால், அதுவரை அவர்களுக்கு குளிர்ச்சியாக இருக்கும்; இதனால் அவர்களின் வேலை செய்யும் திறனும் மேம்படும் என்ற நோக்கில் இந்த எளிய தந்திரத்தை அவர்கள் கையாண்டுள்ளனர். வறுமையின் காரணமாக கொளுத்தும் வெயிலிலும் உழைக்கும் இவர்களது நிலை பலரது நெஞ்சையும் உருக வைத்துள்ளதோடு, இதுபோன்ற தொழிலாளர்களுக்கு கூடுதல் பாதுகாப்பு வசதிகள் செய்து தரப்பட வேண்டும் என்ற கோரிக்கையையும் சமூக வலைதளங்களில் எழுப்பியுள்ளது.