“ஏன் என் இளமையை வீணாக்கணும்?” கணவர் இறந்த 3-வது நாளே கொழுந்தனுடன் திருமணம்… பெண்ணின் அதிரடி முடிவால் அதிர்ச்சி..!!

பீகார் மாநிலம் நாளந்தா மாவட்டத்தில், கணவர் இறந்த மூன்றே நாட்களில் அவரது மனைவி தனது கொழுந்தனுடன் ஓடிச் சென்று திருமணம் செய்து கொண்ட சம்பவம் பெரும் பரபரப்பை ஏற்படுத்தியுள்ளது. பிரியா சிங் என்ற அந்தப் பெண்ணின் கணவர் எதிர்பாராத விதமாக உயிரிழந்த நிலையில், வீடு முழுவதும் துக்கத்தில் மூழ்கியிருந்தது. ஆனால், அந்தத் துக்கத்திலிருந்து மீள்வதற்கு முன்பே, பிரியா அண்டை வீட்டில் வசிக்கும் தனது கொழுந்தன் முறையுள்ள இளைஞருடன் மாயமானார்.

கணவரின் ஈமச்சடங்குகள் கூட முழுமையாக முடிவடையாத நிலையில், பிரியா சிங் தனது காதலனுடன் (கொழுந்தன்) ரகசியமாகத் திருமணம் செய்து கொண்டார். இந்தத் தகவல் காட்டுத்தீயாகப் பரவியதை அடுத்து, கிராம மக்கள் மற்றும் உறவினர்கள் அதிர்ச்சியடைந்தனர். ஒருபுறம் கணவரின் மரணத்திற்காகக் கண்ணீர் வடித்துக் கொண்டிருந்த குடும்பத்தினர், மற்றொரு புறம் மருமகளின் இந்தத் திடீர் முடிவால் செய்வதறியாது திகைத்துப் போயுள்ளனர்.

தனது இந்த அதிரடி முடிவு குறித்துப் பேசிய பிரியா சிங், “எனது கணவர் இறந்துவிட்டார் என்பது உண்மைதான், ஆனால் அதற்காக நான் ஏன் எனது இளமையை வீணாக்க வேண்டும்?” என்று கேள்வி எழுப்பியுள்ளார். வாழ்க்கை இன்னும் நீண்ட தூரம் இருப்பதால், எஞ்சிய காலத்தைத் தனிமையில் கழிக்கத் தான் விரும்பவில்லை என்றும் அவர் தெரிவித்துள்ளார். சமூக வலைதளங்களில் இந்தப் பெண்ணின் செயல் மற்றும் அவர் கூறியுள்ள காரணம் குறித்துப் பல்வேறு விவாதங்கள் எழுந்துள்ளன.