“படத்திற்கு தூண் அவர்தான்… மனநிறைவை தந்தது…” லேட்டாக பார்த்தாலும் லேட்டஸ்ட்டாக பாராட்டிய மாரி செல்வராஜ்… குஷியில் படக்குழுவினர்…!!

இயக்குநர் கார்த்திக் சுப்புராஜ் இயக்கத்தில், இளையராஜா இசையமைப்பில் கீர்த்தி சுரேஷ், சனந்த், ரிஷிகாந்த் உள்ளிட்டோர் நடிப்பில் வெளியான ‘டோரதி’ திரைப்படம் திரை உலகினரிடையே நல்ல வரவேற்பைப் பெற்று வருகிறது. இத்திரைப்படம் திரையரங்குகளில் வெளியாகி 2 வாரங்களை நிறைவு செய்துள்ள நிலையில், இதுவரை ரூ.12 கோடிக்கும் மேல் வசூல் செய்துள்ளதாகத் தகவல்கள் தெரிவிக்கின்றன.

இந்நிலையில், ‘டோரதி’ படத்தைப் பார்த்த இயக்குநர் மாரி செல்வராஜ், படம் தனக்குப் பெரும் மனநிறைவைக் கொடுத்ததாகப் பாராட்டியுள்ளார். “எப்படியாப்பட்ட மனிதர்களின் கதைகள் படமாக்கப்பட வேண்டும் என்று விரும்புகிறோமோ, அவர்களின் கதையும் ஆசைகளும் அப்பட்டமாகப் படம் பிடிக்கப்பட்டுள்ளது. மனநிறைவை தந்த படம். இதற்குப் பெரும் தூணாக நின்று சாத்தியப்படுத்திய இளையராஜாவின் இசைக்கும் கார்த்திக் சுப்புராஜிற்கும் வாழ்த்துகள்” என அவர் பதிவிட்டுள்ளார். மாரி செல்வராஜ் அடுத்ததாக இயக்கி வரும் ‘மஞ்சணத்தி’ படத்திற்கும் இளையராஜாவே இசையமைத்து வருகிறார் என்பது குறிப்பிடத்தக்கது.