ரோஜா படத்துக்கு ஏ ஆர் ரஹ்மான் இல்லாமல் இன்னொரு ஆப்ஷனும் வைத்திருந்தார் மணிரத்னம்… அவர் யார் தெரியுமா?

இந்தி சினிமா பாடல்களைக் கேட்டுக் கொண்டிருந்த தமிழ் ரசிகர்களை தமிழ் பாடல்கள் பக்கம் திருப்பியவர் இளையராஜா என்றால், இந்தி ரசிகர்களையும் தமிழ் சினிமா பாடல்களைக் கேட்க வைத்தவர் ஏ ஆர் ரஹ்மான் என்று சொல்வார்கள்.

தான் அறிமுகமான ரோஜா திரைப்படத்தின் பாடல்கள் அனைத்தும் இந்தியா முழுவதும் ஹிட்டடித்தன. அதன் பின்னர் ரஹ்மான் மணிரத்னம் மற்றும் ஷங்கர் ஆகியோரோடு இணைந்து பணியாற்றிய படங்களின் பாடல்கள் எல்லாம் இந்தியா முழுவதும் வைரல் ஹிட்டாகின. பாடல்களுக்காகவே சில பாடல்கள் ஹிட்டாகின என்பதும் குறிப்பிடத்தக்கது.

ரோஜா படத்தில் ஏ ஆர் ரஹ்மான் இசையமைக்க, அந்த படத்தை தயாரித்தார் இயக்குனர் சிகரம் கே பாலச்சந்தர். அவரின் கவிதாலயா பிலிம்ஸ் அப்போது இளையராஜாவோடு ஏற்பட்ட கருத்து வேறுபாடு காரணமாக தங்கள் மூன்று படங்களுக்கு மூன்று வெவ்வேறு இசையமைப்பாளர்களை ஒப்பந்தம் செய்தது. அப்படிதான் ரோஜா படத்துக்குள் வந்தார் ரஹ்மான்.

அப்போது மணிரத்னமும் இளையராஜா மீது அதிருப்தியில் இருந்ததால் வேறு இசையமைப்பாளரிடம் செல்லலாம் என நினைத்தாராம். அந்த நேரத்தில் அவர் ரோஜா படத்துக்கு இரண்டு இசையமைப்பாளர்களை மனதில் வைத்திருந்தாராம். ஒருவர்தான் அப்போது திலீப் குமாராக இருந்த ஏ ஆர் ரஹ்மான். இன்னொருவர் எல் வைத்தியநாதன் எனும் வயலின் கலைஞர். அவர்கள் இரண்டு பேரில் ஒருவரை இசையமைப்பாளராக போடலாம் என தயாரிப்பு நிறுவனத்துக்குப் பரிந்துரை செய்துள்ளார்.

இதில் முதலில் தயாரிப்பு நிறுவனத்தைச் சென்று பார்த்த ரஹ்மான், தன்னுடைய ட்யூனால் தயாரிப்பாளர்களை அசத்திவிடவே, அவரையே இசையமைப்பாளர் ஆக்கியுள்ளனர். எல் வைத்தியநாதன் தமிழ் சினிமால் 20க்கும் மேற்பட்ட படங்களுக்கு இசையமைத்தவர். ஆனால் பெரியளவில் ஜொலிக்க முடியவில்லை. 1942 ஆம் ஆண்டு பிறந்த அவர் 2007 ஆம் ஆண்டு காலமானார்.