“எனக்கு இந்த வேலையே தேவை இல்லை” கூடுதல் ஊதியம் கேட்டதற்கு திட்டிய மேனேஜர்.. உடனே பெண் எடுத்த அதிரடி முடிவு… “இதுதான் சரியான பதிலடி” பாராட்டும் இணையவாசிகள்.!!

மும்பையைச் சேர்ந்த துருபதி என்ற இளம்பெண், ஒரு இசை எட்-டெக் நிறுவனத்தில் சுமார் மூன்று ஆண்டுகளாகப் பணிபுரிந்து வந்தார். கூடுதல் வேலை நேரத்திற்கான ஊதியத்தை அவர் கேட்டபோது, அவரது மேலாளர் மற்ற ஊழியர்களுக்கு முன்னிலையில் அவரைப் பகிரங்கமாகக் கத்தி அவமதித்ததாகக் கூறப்படுகிறது. இந்தச் சம்பவத்தை அவர் வீடியோவாகப் பதிவு செய்து இன்ஸ்டாகிராமில் பகிர்ந்துள்ளார்.

அந்த வீடியோவில், அவரது மேலாளர் “எனது விதிகளை அனைவரும் பின்பற்ற வேண்டும், பிடிக்கவில்லை என்றால் நாளைக்கே வேலையை விட்டுச் செல்லலாம்” என்று ஆக்ரோஷமாகக் கத்துவது பதிவாகியுள்ளது. இந்த அவமரியாதையை ஏற்க விரும்பாத அந்தப் பெண், உடனடியாகத் தனது ராஜினாமா கடிதத்தைக் கொடுத்துள்ளார். “குறைந்த சம்பளத்தைப் பொறுத்துக் கொள்ளலாம், ஆனால் மரியாதைக் குறைவாக நடத்துவதைப் பொறுக்க முடியாது” என்று அவர் தனது பதிவில் குறிப்பிட்டுள்ளார்.

இந்த வீடியோ சமூக வலைதளங்களில் வைரலாகி பெரும் விவாதத்தை ஏற்படுத்தியுள்ளது. தற்போதைய இளம் தலைமுறையினர் (Gen Z) வேலையை விடத் தங்களது சுயமரியாதைக்கும், மன நலத்திற்கும் அதிக முக்கியத்துவம் கொடுப்பதையே இது காட்டுவதாகப் பலரும் கருத்து தெரிவித்து வருகின்றனர். மேலும், ஊழியர்களைச் சுரண்டும் கார்ப்பரேட் கலாச்சாரம் மற்றும் ஊதியம் இல்லாத கூடுதல் வேலை நேரம் ஆகியவற்றுக்கு எதிராகக் கடுமையான சட்டங்கள் தேவை என்றும் நெட்டிசன்கள் பதிவிட்டு வருகின்றனர்.