செம திரில்..! பலாப்பழம் திருட வந்த இடத்தில இப்படியா ஆகணும்…? மரத்தில் வித்தை காட்டிய நபர்… கடைசியில் நடந்த விபரீதம்..!!

பெங்களுருவில் தமிழ்நாட்டைச் சேர்ந்த சக்திவேல் என்ற 30 வயது நபர் நகர காவல் ஆணையர் அலுவலகத்திலிருந்து  அலி அஸ்கர் சாலையில் உள்ள தூதரக அடுக்குமாடி குடியிருப்பு வளாகத்தில் உள்ள ஒரு பலா மரத்தில் ஏறியுள்ளார். அதாவது அவர் அங்கிருந்த மரத்தில் பலாப்பழங்களைப் பார்த்துவிட்டு, அதை திருடுவதற்காக கண் இமைக்கும் நேரத்தில் 30 அடி மரத்தில் ஏறியதாகக் கூறப்படுகிறது.  அவர் மரத்தின் பாதியளவு உயரத்தில் ஏறியபோதுதான் ஒரு பாதுகாப்பு காவலர் அவரைக் கண்டு கீழே இறங்கும்படி கூறியுள்ளார்.

இதனால் பயத்தில் அவர் ஒரு மரக்கிளையில் சுமார் 5 நிமிடங்கள் தொங்கத் தொடங்கினார்.  இதனையடுத்து இதுகுறித்து காவல்துறை உதவி எண் 112க்கு அழைப்பு வந்தது. அருகிலுள்ள ஹொய்சாலா காவல்துறையினர் இரண்டு நிமிடங்களுக்குள் அங்கு விரைந்து சென்று அவர் சீராக தரையிறங்க உதவும் வகையில் பாதுகாப்பு வலையை விரைவாக தயார் செய்துள்ளார்கள். அதன்பின்னர் அந்த நபர் அந்த வலையில் குதித்துள்ளார். அப்போது தரையில் அடிபட்டு அவரது முதுகில் பலத்த காயம் ஏற்பட்ட நிலையில் அவர் பவுரிங் மருத்துவமனையில் சிகிச்சை பெற்று வருகிறார். மேலும் அவர் ஆபத்தைத் தாண்டிவிட்டதாகக் கூறப்படுகிறது. இதுகுறித்து போலீசார் வழக்குப் பதிவு செய்து விசாரித்து வருகின்றனர்.