புனேவின் எரவாடா மீன் மார்க்கெட் பகுதியில் நடைபெற்ற துயரமான சம்பவத்தில், பிரதீப் பர்தேஷி என்ற நபர் ஆழமான குடிமை வடிகால் குழியில் விழுந்து உயிரிழந்தார். முனிசிபல் நிர்வாகத்தின் தொடர்ந்து பணிகள் நடைபெற்ற இப்பகுதியில் எத்தகைய பாதுகாப்பு ஏற்பாடுகளும் செய்யப்படவில்லை என்று அப்பகுதி மக்கள் கடுமையான குற்றச்சாட்டுகளை எழுப்பியுள்ளனர்.
இந்த விபத்து நேர்வதற்கு முன்பு ஒரு ஆட்டோ-ரிக்சா மோதியதன் காரணமாகவே அவர் 15 அடி ஆழமுள்ள பள்ளத்திற்குள் தள்ளப்பட்டதாகக் கூறப்படுகின்றது. மாநகராட்சியின் அஜாக்கிரதையும் உரிய பாதுகாப்பு தடுப்புகள் அமைக்கப்படாததும் தான் இந்த உயிரிழப்புக்கு நேரடியான காரணம் என்று பொதுமக்கள் கொந்தளித்தனர்.
https://twitter.com/ndtv/status/2112144568313614734/video/1
இந்தச் சம்பவத்தைத் தொடர்ந்து, உயிரிழந்தவரின் குடும்பத்தினர் சம்பந்தப்பட்டவர்கள் மீது உரிய நடவடிக்கை கோரி காவல்துறையை அணுகியுள்ளனர். நகரில் நடைபெரும் பல்வேறு வளர்ச்சிப் பணிகளின் போது பொதுமக்களின் பாதுகாப்பை உறுதி செய்ய வேண்டும் என்றும், இதற்கு காரணமானவர்கள் மீது கடுமையான நடவடிக்கை எடுக்கப்பட வேண்டும் என்றும் கோரிக்கைகள் எழுந்துள்ளன.