சென்னை வியாசர்பாடி பகுதியில் சேர்ந்து ஐந்து வயது சிறுமி ஒருவர் பெற்றோர் வேலைக்கு சென்ற நிலையில் தன்னுடைய தாத்தா பாட்டி வீட்டில் இருந்துள்ளார். இதனிடையே சிறுமி தினமும் தாத்தா பாட்டி வீட்டுக்கு வந்து வெளியே விளையாடுவதை வழக்கமாகக் கொண்டுள்ளார். இந்நிலையில் எதிர் வீட்டில் வசித்து வரும் நபர் ஒருவர் வீட்டிற்கு வெளியே விளையாடிக் கொண்டிருந்த சிறுமியிடம் அருவருக்கத்தக்க வகையில் ஆபாச சைகையை காண்பித்துள்ளார். மேலும் கையில் நூறு ரூபாயை வைத்துக் கொண்டு சிறுமியை இங்கே வா என்று அழைத்துள்ளார்.
அவரின் இந்த செயலை அருகில் இருந்தவர்கள் எதர்ச்சையாக பார்த்த நிலையில் அதிர்ச்சி அடைந்து உடனடியாக போலீசாருக்கு தகவல் தெரிவித்தனர். இதனைத் தொடர்ந்து சம்பவ இடத்திற்கு விரைந்து வந்த போலீசார் பாலியல் குற்றங்களில் இருந்து குழந்தைகளை காக்கும் போக்சோ சட்டத்தின் கீழ் வழக்கு பதிவு செய்து சத்யா என்ற 55 வயது நபரை கைது செய்துள்ளனர். வீட்டிற்கு வெளியே விளையாடிக் கொண்டிருந்த சிறுமிக்கு நடந்த இந்த சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது.