நடிகை மாளவிகா மோகனன் தமிழில் பேட்ட மாஸ்டர் போன்ற படங்களில் நடித்து தமிழ் சினிமா ரசிகர்களுக்கு நன்கு அறிமுகமானவர். இவர் மலையாள சினிமாவில் முன்னணி ஒளிப்பதிவாளர் மோகனனின் மகள். இப்போது நடிகர் பிரபாஸ் நடித்த தி ராஜா ஸாப் என்ற படத்தில் மாளவிகா மோகனன் அவருக்கு ஜோடியாக நடித்துள்ளார்.
சமீபத்தில் தி ராஜா ஸாப் பட நிகழ்ச்சியில் பங்கேற்ற நடிகை மாளவிகா மோகனன் கூறியதாவது, தி ராஜா ஸாப் படத்துக்கு முன்பாகவே பிரபாஸ் நடித்த சலார் படத்தில் நடிக்க எனக்கு வாய்ப்பு வந்தது. மாஸ்டர் படத்திற்கு விஜய்க்கு ஜோடியாக நடித்த நிலையில் சலார் படத்தில் நடிப்பதற்காக அந்த படத்தின் இயக்குனர் பிரசாந்த் நீல் எனக்கு போன் செய்து பேசினார்.
ஆனால் நான் அப்போது அந்தப் படத்தில் சில காரணங்களால் நடிக்க முடியாமல் போனது. அதற்குப் பிறகு மீண்டும் பிரபாஸூடன் இந்த படத்தில் நடிக்க சான்ஸ் கிடைத்தது. இதை எனக்கு கிடைத்த பெரிய பாக்கியமாக நினைக்கிறேன் என்று கூறியிருக்கிறார்.
மாளவிகா மோகனன் சலார் படத்தில் நடிக்க நோ சொன்ன நிலையில், சலார் படத்தில் பிரபாஸூடன் ஸ்ருதிஹாசன் நடித்தார். அதன்பிறகு லோகேஷ் கனகராஜ் இயக்கத்தில் ரஜினி நடித்த கூலி படத்திலும் ஸ்ருதிஹாசன் நடித்திருந்தார். ஒருவேளை சலார் படத்தில் மாளவிகா மோகனன் நடித்திருந்தால் கூலி படத்திலும் ஸ்ருதிஹாசனுக்கு பதிலாக மாளவிகா மோகனன் ரஜினியுடன் நடிக்க சான்ஸ் கிடைத்திருக்கும் என்று ரசிகர்கள் கூறி வருகின்றனர்.