வினு சக்ரவர்த்தியை ஷூட்டிங் ஸ்பாட்டில் வைத்து அடித்த மேக்கப் மேன்… அப்படி என்ன செய்தார் தெரியுமா?

வினு சக்ரவர்த்தியை ஷூட்டிங் ஸ்பாட்டில் வைத்து அறைந்த மேக்கப் மேன்… அப்படி என்ன செய்தார் தெரியுமா?தமிழ் சினிமாவில் கதாசிரியராக, நடிகராக, தயாரிப்பாளராக பன்முகத் திறமையோடு இயங்கியவர்தான் வினு சக்ரவர்த்தி. மதுரையைப் பூர்வீகமாகக் கொண்ட இவர் அரசுப் பணியில் வேலை செய்து வந்தார். அந்த வேலையை விட்டுவிட்டு கன்னட இயக்குனர் புட்டண்ணா கனகலிடம் கதாசிரியராக சேர்ந்து வேலை பார்த்து வந்தார்.

அப்போது அங்கு உதவி இயக்குனராக பணியாற்றிய பாரதிராஜாவுக்கும் இவருக்கும் பழக்கம் ஏற்பட்டது. புட்டண்ணா கனகலுடன் இவர் இணைந்து உருவாக்கிய கதையான பரசக்கே கண்ட தின்மா என்ற படம் தமிழில் ரோசாப்பூ ரவிக்கைக்காரி என்று உருவாக்கப்பட்டது. அதன் மூலம் தமிழ் சினிமாவில் கதாசிரியராக அறிமுகமானார்.

அதன் பின்னர் நடிகரான இவர் வில்லன் மற்றும் குணச்சித்திர வேடங்களில் 300க்கும் மேற்பட்ட படங்களில் நடித்துள்ளார். இவர் தயாரித்த வண்டிச்சக்கரம் திரைப்படத்தில் தான் தென்னிந்தியாவைக் கலக்கிய சில்க் ஸ்மிதா அறிமுகமானார்.

நடிகராக பெரும்புள்ளி என்ற படத்தில் நடிக்க ஒப்பந்தமானார் வினு சக்ரவர்த்தி. அந்த படத்தின் இயக்குனர் விக்ரமன் காலை 7 மணிக்கு ஷூட்டிங் வந்துவிடுங்கள் எனக் கூறியபோது ஓகே என சொல்லிவிட்டு அடுத்த நாள் சரியான நேரத்துக்கு வராமல் தாமதப்படுத்தியுள்ளார்.

இது சம்மந்தமாக அந்த படத்துக்கு மேனேஜராக இருந்த நடிகர் பகவதி பெருமாள் சென்று கேட்டபோது “ஏன்டா என்ன எழுப்பி விடல” என மேக்கப் மேனை அடித்துள்ளார். இதனால் கடுப்பான அந்த மேக்கப் மேன் கோபத்தில் நாற்காலியை தூக்கியை வினு சக்ரவர்த்தியை அடிக்க ஆரம்பித்து விட்டாராம். மேலும் அவர் “நான் சிவாஜிக்கே மேக்கப் போட்டவன், நீ என்னடா கருவாயா… என்ன அடிக்குறது” என சரமாரியாக தாக்கிவிட்டாராம்.

ஒரு கட்டத்தில் பம்ம ஆரம்பித்த வினு சக்ர்வர்த்தி “டேய் அடிக்குறதுன்னா கதவ சாத்திட்டு அடிடா… யாராவது பாத்துட போறாங்க’ என கெஞ்சினாராம். இப்படி தான் மேனேஜராக இருந்த போது பல சுவாரஸ்யமான சம்பவங்களை பார்த்துள்ளதாக பகவதி பெருமாள் தெரிவித்துள்ளார்.