“அவ எனக்கு வேண்டவே வேண்டாம்” என் மனைவி தினமும் போனில் வீடியோ பார்த்து… விவாகரத்து கேட்ட கணவன்… மெட்ராஸ் ஹைகோர்ட் அதிரடி தீர்ப்பு..!!

மெட்ராஸ் உயர் நீதிமன்றத்தில் கணவன் ஒருவர் தனது மனைவியின் தனிப்பட்ட பழக்கத்தைக் காரணம் காட்டி விவாகரத்து கோரிய வினோதமான வழக்கு ஒன்று அண்மையில் விசாரணைக்கு வந்தது. கடந்த 2018-ஆம் ஆண்டு திருமணம் செய்து கொண்ட இந்தத் தம்பதியினருக்கு இது இரண்டாவது திருமணமாகும். கடந்த 2020 டிசம்பர் முதல் இருவரும் பிரிந்து வாழ்ந்து வரும் நிலையில், தனது மனைவி மொபைலில் ஆபாச வீடியோக்களைப் பார்த்துவிட்டு சுயஇன்பம் காண்பதாகவும், எனவே இந்த பெண்ணிடமிருந்து தனக்கு விவாகரத்து வேண்டும் என்றும் கணவர் நீதிமன்றத்தில் மனு தாக்கல் செய்திருந்தார்.

இந்த மனுவை விசாரித்த நீதிபதிகள் ஜி.ஆர்.சுவாமிநாதன் மற்றும் ஆர்.பூர்ணிமா ஆகியோர் அடங்கிய அமர்வு, கணவனின் விவாகரத்து கோரிக்கையை அதிரடியாகத் தள்ளுபடி செய்தது. மனைவி தனிப்பட்ட முறையில் வீடியோ பார்ப்பதோ அல்லது சுயஇன்பம் காண்பதோ கணவருக்கு இழைக்கப்படும் கொடுமையாகக் கருத முடியாது என்று நீதிபதிகள் தங்களது தீர்ப்பில் தெளிவுபடுத்தினர். மேலும், ஆண்கள் சுயஇன்பம் காண்பதைச் சாதாரணமாக எடுத்துக் கொள்ளும்போது, பெண்களின் விஷயத்தில் மட்டும் அதனைத் தவறான ஒன்றாகப் பார்க்க முடியாது என்றும் நீதிமன்றம் சுட்டிக்காட்டியது.

இது முற்றிலும் ஒரு நபரின் தனிப்பட்ட நடத்தை என்றும், இதில் ஈடுபடுமாறு கணவரை அவர் எவ்விதத்திலும் வற்புறுத்தவில்லை என்பதால், இதனை விவாகரத்துக்கான அடிப்படையாகக் கொள்ள முடியாது என்றும் நீதிமன்றம் தெரிவித்தது. ஒருவேளை, மனைவி தனது கணவரையும் இதில் கட்டாயப்படுத்தி ஈடுபடுத்தியிருந்தாலோ அல்லது இதனால் அவர்களது திருமண வாழ்க்கைக்கான கடமைகள் பாதிக்கப்பட்டிருந்தாலோ இந்த விவகாரம் வேறு மாதிரியாக இருந்திருக்கும் என்றும், தற்போதைய சூழலில் இதில் தலையிட முடியாது என்றும் கூறி வழக்கை முடித்து வைத்தனர்.