தமிழ்நாட்டில் எம் சாண்ட் , பி சாண்ட் மற்றும் ஜல்லி ஆகிய கட்டுமானப் பொருட்களை அரசு நிர்ணயித்த கட்டணத்தில் மட்டுமே விற்பனை செய்ய வேண்டும் என்று அமைச்சர் பிரபு கடுமையான எச்சரிக்கை விடுத்துள்ளார். இந்த உத்தரவை மீறி, பொதுமக்களிடம் அரசு நிர்ணயித்த விலையை விட கூடுதல் விலைக்கு விற்பனை செய்யும் குவாரிகள் மற்றும் கிரஷர்கள் மீது சட்டப்பூர்வமாக மிகக் கடுமையான நடவடிக்கைகள் பாயும் என்றும் அவர் திட்டவட்டமாகத் தெரிவித்துள்ளார்.
கட்டுமானப் பொருட்களின் விலையேற்றத்தைத் தடுத்து, ஏழை மற்றும் நடுத்தர மக்கள் பயன்பெறும் வகையில் தமிழ்நாடு அரசு இந்த அதிரடி உத்தரவைப் பிறப்பித்துள்ளது. மேலும், மாநிலத்தில் விதிகளை மீறி செயல்படும் சட்டவிரோத குவாரிகள் மீதான அரசின் கடுமையான நடவடிக்கைகள் தொடர்ந்து நீடிக்கும் என்றும் அமைச்சர் தனது அறிக்கையில் உறுதியாகக் குறிப்பிட்டுள்ளார்.