நாடு முழுவதும் அமல்…. நள்ளிரவில் திடீரென உயர்ந்த கேஸ் சிலிண்டர் விலை…. அதிகாலையிலேயே ஷாக் நியூஸ்….!

நாடு முழுவதும் நள்ளிரவில் கேஸ் சிலிண்டர் விலையை திடீரென உயர்த்தி எண்ணெய் நிறுவனங்கள் அறிவித்துள்ளன. மத்திய கிழக்குப் பகுதியில் நிலவும் பதற்றமான சூழலால் கச்சா எண்ணெய் விநியோகத்தில் ஏற்பட்டுள்ள பாதிப்புகளே இந்த விலை உயர்வுக்கு முக்கியக் காரணமாகக் கூறப்படுகிறது. அதன்படி, வீட்டு உபயோகத்திற்கான 14.2 கிலோ சிலிண்டர் விலை ரூ.60 உயர்த்தப்பட்டு, சென்னையில் ரூ.928.50-க்கு விற்பனை செய்யப்படுகிறது.

வணிகப் பயன்பாட்டிற்கான 19 கிலோ எடை கொண்ட சிலிண்டரின் விலை ரூ.114.50 உயர்த்தப்பட்டு, தற்போது ரூ.2,043.50 என நிர்ணயிக்கப்பட்டுள்ளது. திடீரென அமலுக்கு வந்துள்ள இந்த விலை உயர்வு சாமானிய மக்கள் மற்றும் வணிகர்களிடையே பெரும் சுமையை ஏற்படுத்தியுள்ளது. ஏற்கனவே அத்தியாவசியப் பொருட்களின் விலை உயர்வால் பாதிக்கப்பட்டுள்ள பொதுமக்கள், தற்போது சமையல் எரிவாயு விலையும் உயர்த்தப்பட்டுள்ளதால் மிகுந்த சிரமத்திற்கு ஆளாகியுள்ளனர்.