CINEMA
“ஒரு வாரம் தான் டைம்”… லியோ பட கலவையான விமர்சனங்களுக்கு நச்சுன்னு பதில் சொன்ன லோகேஷ்…!!
இயக்குனர் லோகேஷ் கனகராஜ் மாநகரம், கைதி, மாஸ்டர், விக்ரம் என ப்ளாக் பஸ்டர் ஹிட் படங்களை கொடுத்துள்ளார். இந்நிலையில் லோகேஷ் இயக்கத்தில் விஜய் நடிப்பில் கடந்த 19-ஆம் தேதி வெளியான லியோ படம் சூப்பர் ஹிட் ஆனது. இந்த படத்தில் விஜய்க்கு ஜோடியாக த்ரிஷா நடித்துள்ளார்.
மேலும் சஞ்சய் தத், மன்சூர் அலிகான், ப்ரியா ஆனந்த் உள்ளிட்ட நட்சத்திரங்கள் லியோ படத்தில் நடித்துள்ளனர். இந்த படத்தை 7 ஸ்கிரீன் ஸ்டுடியோ தயாரிக்கிறது. ஆக்ஷன், சென்டிமென்ட் நிறைந்த லியோ படத்தை ரசிகர்கள் கொண்டாடி வருகின்றனர்.
இந்நிலையில் லியோ படம் ரிலீஸ் ஆகி கலவையான விமர்சனங்களை பெற்று வருகிறது. கடந்த நான்கு நாட்களில் 400 கோடி வசூலை எட்டியுள்ளதாக தகவல்கள் தெரிவிக்கிறது. ஆனால் தயாரிப்பு தரப்பில் இதுவரை தகவல் உறுதிப்படுத்தப்படவில்லை. இந்நிலையில் லோகேஷ் கனகராஜிடம் லியோ படத்தின் கலவையான விமர்சனங்கள் குறித்து கேள்வி எழுப்பப்பட்டது.
அதற்கு அவர், லியோ படம் மக்களுக்கு பிடித்திருப்பது மகிழ்ச்சி. லியோ படத்தின் கலவையான விமர்சனங்கள் என்னவென்று ஆராய்ந்து அடுத்த படத்தில் அதை கவனித்து எடுத்துக் கொள்வேன். அடுத்ததாக ரஜினி சாரின் 171-வது படத்தை இயக்க உள்ளேன். அடுத்த ஆண்டு மார்ச் அல்லது ஏப்ரல் மாதத்தில் படபிடிப்பு தொடங்கும் என கூறியுள்ளார்.
