“தமிழகத்திற்கே பெருமை”…. கண்ணகி நகர் கார்த்திகாவுக்கு ரூ.1 லட்சம் வழங்கிய லோகேஷ் கனகராஜ்…!

கபடி வீராங்கனை கார்த்திகாவை நேரில் சந்தித்து அரசியல் பிரபலங்கள் மற்றும் சினிமா பிரபலங்கள் பலரும் வாழ்த்து கூறி வரும் நிலையில் தற்போது இயக்குனர் லோகேஷ் கனகராஜ் கார்த்திகாவை நேரில் சந்தித்து வாழ்த்து கூறியதோடு 1 லட்சம் காசோலையும் வழங்கினார். பக்ரைனில் நடைபெற்ற ஆசிய இளையோர் விளையாட்டுப் போட்டியில் கபடி பிரிவில் சென்னை கண்ணகி நகரை சேர்ந்த வீராங்கனை கார்த்திகா, தங்கப்பதக்கம் என்றார். மிக எளிய பின்னணியில் இருந்து வந்த சாதனை படைத்த அவருக்கு ஒட்டுமொத்த தமிழகமே தங்கள் பாராட்டுகளை தெரிவித்த வண்ணம் உள்ளது.

தங்கம் வென்ற கையுடன் சென்னை வந்த அபினேஷ் மற்றும் கார்த்திகா இருவரையும் அந்த நொடியே நேரில் அழைத்து பாராட்டி முதலமைச்சரு ஸ்டாலின் தலா 25 லட்சம் ஊக்க தொகை வழங்கினார். இதனைத் தொடர்ந்து கபடி வீராங்கனை கார்த்திகாவை நேரில் அழைத்து அரசியல் கட்சியினர் மற்றும் திரை பிரபலங்கள் தொடர்ந்து வாழ்த்து தெரிவித்து வரும் நிலையில் கார்த்திகாவை நேரில் சந்தித்து இயக்குனர் லோகேஷ் கனகராஜ் தனது பாராட்டை தெரிவித்ததோடு ஒரு லட்சத்திற்கான காசோலையையும் வழங்கினார்.