கர்நூல் கிராமப்புற மண்டலத்திற்குட்பட்ட தாண்டிரபாடு கிராமத்தில், விநாயகர் ஊர்வலத்தில் வைக்கப்பட்டிருந்த டி.ஜே. இசையின் அதிகபட்ச ஒலிச்சல் தாங்க முடியாமல் சிவம்மா என்ற பெண் சம்பவ இடத்திலேயே உயிரிழந்தார். இந்த சம்பவம் அப்பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.
மற்றொரு சம்பவமாக, நந்தியாலா மாவட்டத்தின் தொங்கா கிராமத்தைச் சேர்ந்த கணேஷ் கௌடா என்ற இளைஞர், விநாயகர் விசர்ஜன ஊர்வலத்தில் உரத்த டி.ஜே. பாடல்களுக்குத் தீவிரமாக நடனமாடிவிட்டு வீடு திரும்பிய சிறிது நேரத்திலேயே மாரடைப்பால் உயிரிழந்தார். அதிக ஒலிச்சல் மற்றும் உடல் உழைப்பு காரணமாகவே இந்த அசம்பாவிதம் நடந்துள்ளதாகக் கருதப்படுகிறது.
ஆந்திரப் பிரதேசத்தில் விநாயகர் விசர்ஜன ஊர்வலங்களின் போது கட்டுப்பாடற்ற டி.ஜே. இசைக்கருவிகளின் பேரிரச்சல் மற்றும் நெரிசல் காரணமாக அடுத்தடுத்து இருவர் உயிரிழந்த இச்சம்பவங்கள், ஊர்வலங்களில் டி.ஜே. இசை பயன்பாடு குறித்த பாதுகாப்புக் கேள்விகளை எழுப்பியுள்ளன. பொதுமக்களின் நலன் கருதி இதுபோன்ற நிகழ்வுகளில் அதிக ஒலி எழுப்பும் சாதனங்களுக்குத் தடை விதிக்க வேண்டும் என கோரிக்கைகள் வலுத்து வருகின்றன.