தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் அதிமுகவில் உட்கட்சி பூசல் என்பது நாளுக்கு நாள் அதிகரித்த வண்ணம் உள்ளது. இபிஎஸ்-க்கு எதிராக போர் கொடி தூக்கும் நிர்வாகிகளை அதிரடியாக கட்சியிலிருந்து நீக்கி இபிஎஸ் உத்தரவிட்டு வருகிறார். சமீபத்தில் செங்கோட்டையன் கட்சியிலிருந்து நீக்கப்பட்டதோடு அவருடைய ஆதரவாளர்களும் கட்சியில் இருந்து நீக்கப்பட்டன.
இந்த விவகாரம் தமிழக அரசியலில் பரபரப்பை கிளப்பியுள்ள நிலையில் மணிப்பு கேட்டால் மீண்டும் அதிமுகவில் சேர்ப்பது குறித்து தலைமையிடம் பேசுவோம் என முன்னாள் அமைச்சர் ஓ.எஸ் மணியன் பேசியுள்ளது பேசு பொருள் ஆகியுள்ளது. சசிகலா, டிடிவி தினகரன், ஓபிஎஸ் மற்றும் செங்கோட்டையன் ஆகியோர் துரோகிகள் என இபிஎஸ் உள்ளிட்ட நிர்வாகிகள் பேசி வருகின்றனர். இந்த நிலையில் ஓஎஸ் மணியனின் இந்த கருத்து தனிப்பட்ட கருத்தா அல்லது அதிமுகவை மீண்டும் ஒருங்கிணைக்கும் எண்ணத்திற்கு நிர்வாகிகள் வந்துவிட்டனரா என்ற கேள்வியை எழுப்பியுள்ளது.