பட்டையை கிளப்பும் வசூல்.. ஆனா… 6 நாட்களில் உலகளவில் லியோ செய்த வசூல்.. எவ்வளவு தெரியுமா..?

நெல்சன் இயக்கத்தில் ரஜினிகாந்த் நடிப்பில் வெளியான ஜெயிலர் படம் வசூல் ரீதியாக சாதனை படைத்தது. தமிழ் சினிமா வரலாற்றிலேயே முதல் வாரத்தில் உலகம் முழுவதும் தோராயமாக ஜெயிலர் படம் 375 கோடியே 40 லட்சம் ரூபாய் வசூலித்தது. இந்நிலையில் லோகேஷ் கனகராஜ் இயக்கத்தில் விஜய் நடிப்பில் உருவான லியோ படம் கடந்த 19-ஆம் தேதி திரையரங்குகளில் வெளியானது.

படம் ரிலீஸ் ஆவதற்கு முன்னரே பல்வேறு எதிர்ப்புகளும், எதிர்பார்ப்புகளும் நிலவி வந்தது. படத்தின் நான் ரெடி பாடல் வெளியானது முதல் ட்ரெய்லர் வெளியானது வரை பல்வேறு சர்ச்சைகளில் சிக்கியது. அப்படி இருக்க ஜெயிலர் படத்தின் வசூலை லியோ படம் முறியடிக்குமா என நெட்டிசன்கள் விவாதித்துக் கொண்டிருந்தனர்.

லியோ படத்தில் சுமார் 14 ஆண்டுகளுக்குப் பிறகு விஜய்க்கு ஜோடியாக திரிஷா நடித்தது மேலும் எதிர்பார்ப்பைக் கூட்டியது. இந்த படத்தில் சஞ்சய் தத், பிரியா ஆனந்த், மன்சூர் அலிகான் உள்ளிட்ட நட்சத்திரங்கள் நடித்துள்ளனர். இந்த படத்தை 7 ஸ்கிரீன் ஸ்டுடியோ தயாரிக்கிறது. இந்நிலையில் லியோ படம் வெளியாகி 300 கோடிக்கு மேல் வசூல் செய்துள்ளது.

இந்நிலையில் கடந்த ஆறு நாட்களில் லியோ படம் 435 கோடி ரூபாய்க்கு மேல் வசூல் செய்திருப்பதாக தகவல்கள் வெளியாகி உள்ளது. இருப்பினும் முதல் நாள் நல்ல வசூல் கிடைத்த நிலையில் ஆறாவது நாளில் வசூல் குறைவாகவே இருக்கிறது. இனிவரும் நாட்களில் லியோ படத்தின் வசூல் அதிகரிக்குமா? குறையுமா? என்பதை பொறுத்திருந்து பார்ப்போம்.