இரவில் பயங்கரம்….! “6 வயது சிறுமியை தூக்கி சென்று கொன்ற சிறுத்தை…” சிதைந்த நிலையில் கிடந்த உடல்… நெஞ்சை பதற வைக்கும் கொடூர சம்பவம்…!!!

By Devi Ramu on புரட்டாதி 25, 2026

Spread the love

குஜராத் மாநிலம் ஜூனாகத் மாவட்டம் தேட்கியால் கிராமத்தில் உள்ள தோபன்பாய் கோரட் என்பவரது விவசாய நிலத்தில், 6 வயதான பிரிஷா சோலங்கி என்ற சிறுமி சிறுத்தை ஒன்றால் கொடூரமான முறையில் தாக்கப்பட்டு உயிரிழந்த சம்பவம் அப்பகுதியில் பெரும் சோகத்தையும் பீதியையும் ஏற்படுத்தியுள்ளது. புதன்கிழமை இரவு நேரத்தில் இச்சம்பவம் அரங்கேறியுள்ளது.

நிலத்தின் அருகே இருந்த சிறுமியை திடீரென பாய்ந்து வந்த சிறுத்தை கவ்வித் தூக்கிச் சென்றுள்ளது. சிறுமியின் அலறல் சத்தம் கேட்டு குடும்பத்தினரும் கிராம மக்களும் ஓடிவந்து தேடிய நிலையில், அவர் விவசாய நிலத்தின் அருகே படுகாயங்களுடன் ரத்த வெள்ளத்தில் சடலமாக மீட்கப்பட்டார். பிஞ்சுக் குழந்தையின் உடல் சிதைந்த நிலையில் மீட்கப்பட்டது அப்பகுதி மக்களை நிலைகுலைய வைத்துள்ளது.

   

இது குறித்து தகவலறிந்து சம்பவ இடத்திற்கு விரைந்து வந்த வனத்துறை அதிகாரிகள், சிறுமியின் உடலைக் கைப்பற்றி பிரேத பரிசோதனைக்கு அனுப்பி வைத்தனர். மேலும், மனிதர்களை வேட்டையாடிய அந்தச் சிறுத்தையை உடனடியாகப் பிடிப்பதற்காக அப்பகுதியில் 8 கூண்டுகளை வனத்துறையினர் அமைத்துத் தீவிரமாகக் கண்காணித்து வருகின்றனர்.