2025-ஆம் ஆண்டு தொடக்கத்தில் 10.50 சதவீதத்திற்கும் அதிகமாக இருந்த தனிநபர் கடன் வட்டி விகிதங்கள், தற்போது 9.75% முதல் 9.99% வரை என்ற நிலைக்குக் குறைந்துள்ளன. குறிப்பாக, எஸ்பிஐ வங்கி தனது வட்டி விகிதத்தை 12.60 சதவீதத்திலிருந்து 10.05 சதவீதமாகவும், ஹெச்டிஎஃப்சி மற்றும் ஆக்சிஸ் வங்கிகள் தங்களது தொடக்க வட்டியை 9.99 சதவீதமாகவும் குறைத்துள்ளன.
வங்கிகள் வழங்கும் இந்தக் குறைப்பு, ஏற்கனவே கடன் வாங்கி மாதாந்திர தவணை (EMI) செலுத்தி வருபவர்களுக்கும், புதிதாகக் கடன் வாங்கத் திட்டமிடுபவர்களுக்கும் ஒரு வரப்பிரசாதமாக அமைந்துள்ளது. இருப்பினும், இந்த வட்டிச் சலுகை என்பது ஒருவருடைய கிரெடிட் ஸ்கோர் மற்றும் வருமானத்தைப் பொறுத்தே முடிவு செய்யப்படுகிறது.
சில வங்கிகள் 9 சதவீத வட்டியில் கடன் வழங்கினாலும், கடனுக்கான செயலாக்கக் கட்டணம் (Processing fees) 0.35% முதல் 5% வரை வசூலிக்கிறது. எனவே, கடன் வாங்குவதற்கு முன்னால் பல்வேறு வங்கிகளின் வட்டி விகிதங்களை ஒப்பிட்டுப் பார்த்துத் தேர்வு செய்வது புத்திசாலித்தனமாகும். இந்த வட்டி சரிவு காரணமாக, வரும் மாதங்களில் தனிநபர் கடன் வாங்குவோரின் எண்ணிக்கை அதிகரிக்கும் என எதிர்பார்க்கப்படுகிறது.