“விஜய் மேல ரஜினிக்கு பொறாமையா..?” ‘மக்கள் மேடை’ சர்ச்சைக்கு.. லதா ரஜினிகாந்த் கொடுத்த அதிரடி பதில்…!!

நடிகர் விஜய்யின் அரசியல் வெற்றிக்கும், தான் தொடங்கியுள்ள ‘மக்கள் மேடை’ இயக்கத்திற்கும் எந்தவொரு சம்பந்தமும் இல்லை என்று லதா ரஜினிகாந்த் தெளிவுபடுத்தியுள்ளார். தற்கால நவீனமயமாக்கல் மற்றும் தொழில்நுட்ப வளர்ச்சியால் மனிதர்கள் தங்களுக்குள் சுருங்கி, தனிமைப்பட்டுப் போயுள்ளனர். இந்தச் சூழலில், நம் நாட்டின் முதுகெலும்பாகத் திகழும் விவசாயிகள், கைவினைஞர்கள், சிறு வணிகர்கள் ஆகியோரின் முன்னேற்றத்திற்கான வாய்ப்புகளை உருவாக்குவதும், மேற்கத்திய கலாச்சாரத் தாக்கத்திலிருந்து மாறி நம் பிள்ளைகளுக்கு நல்லதொரு எதிர்காலத்தை அமைத்துக் கொடுப்பதுமே இவ்வியக்கத்தின் நோக்கமாகும். ‘என் மாநிலத்திற்கும் தேசத்திற்கும் என்னால் என்ன செய்ய முடியும்?’ என்ற எண்ணத்தோடு, மக்களின் திறமைகளையும் ஆற்றலையும் சமூக நலனுக்காக ஒன்றிணைக்கவே இது தொடங்கப்பட்டுள்ளது.

மேலும், இந்த அமைப்பின் மூலம் தற்கொலை தடுப்பு நடவடிக்கைகள் மற்றும் மாணவர்களுக்கான மனநல ஆலோசனைகள் வழங்குவது போன்ற மிக முக்கியமான சமூக நலத் திட்டங்கள் அனைத்துப் பகுதிகளிலும் முதன்மையாகச் செயல்படுத்தப்படும் என்று அவர் குறிப்பிட்டுள்ளார். விஜய்யின் அரசியல் வெற்றியால் ஏற்பட்ட பொறாமை காரணமாகவே இந்த இயக்கம் தொடங்கப்பட்டது என்ற சமூக வலைத்தளங்களின் விமர்சனங்களை அவர் முற்றிலும் மறுத்துள்ளார்.

விஜய் மீது ரஜினிகாந்த்திற்குப் பொறாமை என்ற குற்றச்சாட்டு தவறானது என்றும், மக்களால் பெரிதும் நேசிக்கப்படும் ஒருவரைப் பற்றி இவ்வாறு பேசுவது முறையல்ல என்றும் அவர் கூறியுள்ளார். ரஜினிகாந்த் ஒரு மாபெரும் தலைவர் என்றும், அவரிடமிருந்து பலர் தலைமைத்துவப் பண்புகளைக் கற்றுக்கொள்ளும் நிலையில், அவரை ‘பொறாமை’ போன்ற வார்த்தைகளால் விமர்சிப்பது அவரைச் சிறுமைப்படுத்தும் செயலாகும் என்றும் லதா ரஜினிகாந்த் தன் விளக்கத்தில் சுட்டிக்காட்டியுள்ளார்.