ஆரம்பத்தில் இசையமைப்பாளராக இருந்து பின்னர் நடிகராக மாறியவர் விஜய் ஆண்டனி. அதன்பிறகு தயாரிப்பாளராகவும் அவர் பல படங்களை தயாரித்து வருகிறார். விஜய் ஆண்டனி நடித்த படங்களில் சசி இயக்கத்தில் உருவான பிச்சைக்காரன் படம் மிகப்பெரிய வெற்றியை பெற்றது. அதன்பிறகு பிச்சைக்காரன் 2 படத்தை விஜய் ஆண்டனி அவரே இயக்கி ஹீரோவாக நடித்திருந்தார்.
ஆனால் பிச்சைக்காரன் முதல் பாகம் சூப்பர் ஹிட் ஆன நிலையில் பிச்சைக்காரன் 2ம் பாகம் சுமாராக தான் ஓடியது. சமீபத்தில் ஒரு நிகழ்ச்சியில் பங்கேற்ற நடிகர் விஜய் ஆண்டனி கூறியதாவது, பிச்சைக்காரன் 3 படம் கண்டிப்பாக உருவாகிறது. பிச்சைக்காரன் 2 படத்தை விட 3ம் பாகம் பெரிய படமாக இருக்கும். குறிப்பாக சொல்ல வேண்டும் என்றால் கேஜிஎஃப் படம் மாதிரி மிகப் பிரமாண்டமாக பிச்சைக்காரன் 3 இருக்கும் என்று விஜய் ஆண்டனி கூறினார்.