“அந்த ஒரு வார்த்தை” இறப்பதற்கு முன்பே மரண பயத்தை காட்டிய லாரிஜானி… அந்த ‘வீடியோ’ தான் இப்போ அமெரிக்காவுக்கு சிம்மசொப்பனம்..!!

ஈரானின் உயர்மட்ட பாதுகாப்பு அதிகாரியான அலி லாரிஜானி (Ali Larijani), தான் கொல்லப்படுவதற்கு சில நாட்களுக்கு முன்பு அமெரிக்கா மற்றும் இஸ்ரேலுக்கு விடுத்த எச்சரிக்கை செய்தி தற்போது வெளியாகியுள்ளது. ஈரான் தலைவர்களைக் கொலை செய்வது அந்த நாட்டை பலவீனப்படுத்தாது, மாறாக “தியாகிகள் ஈரானை மேலும் வலிமையாக்குவார்கள்” என்று அவர் அந்த வீடியோவில் பேசியுள்ளார்.

கடந்த மாதம் ஈரானின் உச்ச தலைவர் அயதுல்லா அலி கமேனி வான்வழித் தாக்குதலில் கொல்லப்பட்டதைத் தொடர்ந்து, அலி லாரிஜானி ஈரானின் பாதுகாப்பு கொள்கைகளை வகுப்பதில் முக்கியப் பங்கு வகித்தார். மார்ச் 6-ம் தேதி அவர் அளித்த பேட்டியில், “கமேனி தியாகியான பிறகு மக்கள் அதிக விழிப்புணர்வுடன் புரட்சியின் பக்கம் நிற்கிறார்கள்; இன்னும் ஐந்து தலைவர்களைக் கொன்றாலும் அது ஈரானை மேலும் வலுப்படுத்தும்” என்று அவர் உறுதியாகத் தெரிவித்துள்ளார்.

இதற்கிடையில், மார்ச் 17 அன்று இரவு நடத்தப்பட்ட வான்வழித் தாக்குதலில் அலி லாரிஜானியும் கொல்லப்பட்டதாக இஸ்ரேல் ராணுவம் அறிவித்துள்ளது. ஈரான் அரசு இந்தத் தகவலை மார்ச் 18 அன்று அதிகாரப்பூர்வமாக உறுதிப்படுத்தியது. லாரிஜானியின் மறைவு ஈரானுக்குப் பெரும் பின்னடைவாகக் கருதப்பட்டாலும், அமெரிக்கா மற்றும் இஸ்ரேலுக்கு எதிராக ஈரான் தனது தாக்குதல்களைத் தீவிரப்படுத்தும் என எதிர்பார்க்கப்படுகிறது.