லால் சலாம் படத்திற்காக விஷ்ணு விஷால் செய்த தகிடுத்தத்தோம்!! செல்வாக்கை பயன்படுத்தி பிரபல நடிகரை ஓரங்கட்டிய சம்பவம்…

ஐஸ்வர்யா ரஜினிகாந்த் இயக்கத்தில் ரஜினிகாந்த் சிறப்பு தோற்றத்தில் தோன்றிய “லால் சலாம்” திரைப்படம் கடந்த பிப்ரவரி மாதம் திரையரங்குகளில் வெளிவந்தது. இத்திரைப்படத்தில் கதாநாயகர்களாக விஷ்ணு விஷாலும் விக்ராந்தும் நடித்திருந்தனர்.

இத்திரைப்படத்திற்கு கிடைத்த வரவேற்பு என்பது மிகவும் குறைவாகவே இருந்தது. மேலும் சமீபத்தில் ஒரு பேட்டியில் ஐஸ்வர்யா ரஜினிகாந்த் பேசியபோது திரைப்படத்தின் ஹார்ட் டிஸ்க் தொலைந்துப்போனதாக மிகவும் வருத்ததோடு கூறினார்.

இந்த நிலையில் சமீபத்தில் ஒரு பேட்டியில் கலந்துகொண்ட பிரபல மூத்த பத்திரிக்கையாளரான பிஸ்மி, “லால் சலாம்” திரைப்படத்தில் விஷ்ணு விஷால் நடித்தது குறித்த ஒரு தகவலை பகிர்ந்துகொண்டுள்ளார்.

அதாவது “லால் சலாம்” திரைப்படத்தில் முதலில் விஷ்ணு விஷால் கதாபாத்திரத்திற்கு நடிகர் அதர்வாவைத்தான் தேர்ந்தெடுத்திருந்தார்களாம். ஆனால் விஷ்ணு விஷால் உதயநிதிக்கு மிகவும் நெருக்கமானவராம். எப்படியாவது தான் இந்த பிராஜெக்ட்டிற்குள் வரவேண்டும் என்று நினைத்த விஷ்ணு விஷால், உதயநிதியின் மேனேஜராக இருக்கும் செண்பகமூர்த்தியின் உதவியோடு “லால் சலாம்” திரைப்படத்தின் தயாரிப்பு நிறுவனமான லைகாவிடம் பேச்சு வார்த்தையை தொடங்கினாராம்.

அதர்வாவை இந்த பிராஜெக்ட்டில் இருந்து விலக்கிவிட்டு விஷ்ணு விஷாலை உள்ளே கொண்டு வர வேண்டும் என்று செண்பகமூர்த்தி தரப்பில் இருந்து கூறப்பட்டதாம். லைகா நிறுவனத்தினரும் வேறு வழி இன்றி அதர்வாவை இந்த பிராஜெக்ட்டில் இருந்து தூக்கிவிட்டு விஷ்ணு விஷாலை தேர்ந்தெடுத்தார்களாம். இவ்வாறு ஒரு தகவலை பிஸ்மி அப்பேட்டியில் பகிர்ந்துகொண்டுள்ளார்.