கண்களை குணமாக்கும் கிளைமேக்ஸ் காட்சி… KPY பாலாவின் நியாயமான நடிப்பு… மொத்தத்தில் காந்தி கண்ணாடி படம் வொர்த்தா..? இல்லையா..?

இயக்குனர் ஷெரிப் இயக்கத்தில் KPY பாலா ஹீரோவாக நடித்துள்ள படம் காந்தி கண்ணா.டி இந்த படம் இன்று வெளியாகி உள்ள நிலையில் படத்தின் விமர்சனம் குறித்து பார்க்கலாம். காந்தி மற்றும் கண்ணம்மா ஜோடி ஒரு அறுபதாம் கல்யாணத்திற்கு செல்கிறார்கள். அந்த கல்யாணத்தை பார்த்த கண்ணமாவிற்கு நமக்கும் ஒரு குழந்தை இருந்திருந்தால் இது போல் நமக்கு ஒரு திருமணம் செய்து வைத்திருப்பானே என்று காந்தியிடம் வருத்தப்படுகிறார்.

காந்தியின் உலகமே கண்ணம்மா தான். இதனால் அவருடைய ஆசையை நிறைவேற்ற முடிவு எடுக்கிறார் காந்தி. இதற்காக ஊரில் இருக்கும் தன்னுடைய சொத்தை விற்று 80 லட்சம் ரூபாய் பணம் ஏற்பாடு செய்து அந்த பணத்தை வைத்து கல்யாணத்துக்கான அனைத்து வேலைகளையும் இளம் காதல் ஜோடியான கதிர் மற்றும் கீதாவை சந்தித்து அறுபதாம் கல்யாண விழாவிற்கு ஏற்பாடு செய்யுமாறு கூறுகிறார்.

அவர்களும் அந்த வேலையை ஏற்று ஈடுபடும் போது ஒரு சிக்கல் ஏற்படுகிறது. இதனால் அறுபதாம் கல்யாணம் நடத்த முடியுமா? என்ற கேள்வி எழுகிறது. இந்த தடையை மீறி தான் அந்த கல்யாணம் நடந்ததா இல்லையா என்பது படத்தின் கதை . மூத்த தம்பதிகளான காந்தி கண்ணம்மா கதாபாத்திரத்தை பாலாஜி சக்திவேல், அர்ச்சனா நடித்துள்ளார்கள். இதுவரை காமெடி வேடங்களில் மட்டும் நடித்து வந்த பாலா இந்த படத்தில் ஹீரோவாக அறிமுகமாகியுள்ளார். முதல் படத்திலேயே நியாயமான ஒரு கதாபாத்திரத்தில் நடித்த ரசிகர்கள் மனதில் இடம் பிடிக்க என்னவெல்லாம் செய்ய வேண்டுமோ அதை எல்லாம் செய்துள்ளார்.

கிளைமாக்ஸ் காட்சியில் நடுரோட்டில் பாலா ஆட்டம் போடுவது கண்களில் கண்ணீர் வர வைக்கிறது. கதாநாயகியாக நமீதா கிருஷ்ணமூர்த்தி அவருக்கு கொடுக்கப்பட்ட ரோலை அழகாக சிறப்பாக செய்துள்ளார். அமுதவாணன், மதன் நிகில் ஆகியோரும் இந்த படத்தில் அருமையாக நடித்துள்ளார்கள்.   இசை ஒவ்வொரு காட்சியையும் தூக்கி நிறுத்துகிறது, குடும்பத்தைக் கவரும் வகையில் இந்த படம் உள்ளது, மொத்தத்தில் இந்த படம் மக்களின் முகமாக பிரதிபலிக்கிறது என்று தான் சொல்ல வேண்டும்,