இரவு 11 மணிக்கு விளக்கு வெளிச்சம் இல்லாத இடத்தில்… இளம்பெண்ணுக்கு என்ன வேலை..? சர்ச்சையை கிளப்பிய கொங்கு ஈஸ்வரன்..!!

கோவையில் ஆண் நண்பருடன் பேசிக் கொண்டிருந்த கல்லூரி மாணவி ஒருவரை தூக்கிச் சென்று 3 இளைஞர்கள் கூட்டுப் பாலியல் வன்கொடுமை செய்த விவகாரம் பெரும் அதிர்ச்சியை ஏற்படுத்தியுள்ளது. கோவை ஏர்போர்ட் பின்புறம் உள்ள சாலையில், கல்லூரி மாணவியின் ஆண் நண்பருடன் பேசிக்கொண்டிருந்தபோது, ஆண் நண்பரை கொடூரமாக தாக்கிவிட்டு மாணவியை வன்கொடுமை செய்தார்கள்.  இந்த சம்பவத்தில் சதீஷ், கார்த்திக் ஆகியோர் சகோதரர்கள், குணா ஆகியோர் கைது செய்யப்பட்டுள்ளார்கள்.

இந்நிலையில் இதுகுறித்து பேசிய கொங்கு ஈஸ்வரன், கோவை மாணவி வன்கொடுமை விவகாரத்தில், இரவு 11 மணிக்கு விளக்கு வெளிச்சம் கூட இல்லாத இடத்தில் இளம்பெண்ணுக்கு என்ன வேலை என கூறியுள்ளார். இது தற்போது சர்ச்சையாகியுள்ளது. இதனையடுத்து இதை அண்ணாமலை வன்மையாக கண்டித்துள்ளார். மேலும், பாதிக்கப்பட்ட பெண்கள் மீது குற்றம் சுமத்திச் செய்தியாக்கி, பிறகு  அந்த வழக்கை அப்படியே நீர்த்துப் போகச் செய்வது திமுக ஆட்சியில் வழக்கமாகி விட்டதாகவும் கடுமையாக சாடியுள்ளார்.