கொளத்தூர் சட்டமன்றத் தொகுதியில் வாக்குப்பதிவு இயந்திரங்களில் முறைகேடு மற்றும் குளறுபடிகள் நடந்துள்ளதாகக் கூறி, தேர்தல் ஆணையத்திடம் திமுக தரப்பில் அளிக்கப்பட்ட புகாரைத் தொடர்ந்து மறுசரிபார்ப்புப் பணிகள் மேற்கொள்ளப்பட்டன. இருப்பினும், இயந்திரங்களில் எந்தக் குறைபாடும் இல்லை என தேர்தல் ஆணைய அதிகாரிகள் விளக்கமளித்து திமுகவின் குற்றச்சாட்டுகளை நிராகரித்தனர்.
இதனால் அதிருப்தியடைந்த திமுக முகவர்கள், கடைசி நேரத்தில் சரிபார்ப்பு பணிகளைப் புறக்கணிப்பதாக அறிவித்து வெளியேறியது தற்போது அரசியல் களத்தில் பெரும் விவாதப் பொருளாக மாறியுள்ளது. மறுபுறம், வெளிப்படையான சரிபார்ப்பு நடைமுறைகளை எதிர்கொள்ளத் துணிவின்றி, தோல்வி பயத்தின் காரணமாகவே திமுகவினர் இதுபோன்ற புறக்கணிப்பு நாடகத்தில் ஈடுபடுவதாக எதிர்க்கட்சிகள் மற்றும் அரசியல் விமர்சகர்கள் கடுமையாகச் சாடி வருகின்றனர்.