நாடு முழுவதும் மீண்டும் ரேஷன் கடைகளில் மண்ணெணெய் விநியோகம்…. மத்திய அரசின் அதிரடி உத்தரவு…!!

சர்வதேச அளவில் நிலவி வரும் போர்ப் பதற்றம் காரணமாக எரிசக்தி விநியோகத்தில் ஏற்பட்டுள்ள பாதிப்புகளைச் சமாளிக்க, ஒன்றிய அரசு அவசரக்கால நடவடிக்கையாக சில முக்கிய முடிவுகளை எடுத்துள்ளது. இதன் ஒரு பகுதியாக, பொது விநியோகத் திட்டத்தின் (PDS) கீழ் அடுத்த 60 நாட்களுக்கு ரேஷன் கடைகள் மூலம் மீண்டும் மண்ணெண்ணெய் வழங்க உத்தரவிடப்பட்டுள்ளது. இந்த விநியோகம் குறிப்பாக சமையல் எரிவாயு (LPG) தட்டுப்பாட்டைத் தவிர்க்கவும், பொதுமக்களின் சமையல் மற்றும் விளக்குத் தேவைகளைப் பூர்த்தி செய்யவும் மேற்கொள்ளப்படுகிறது.

முன்னதாக ‘மண்ணெண்ணெய் இல்லா மாநிலங்கள்’ என அறிவிக்கப்பட்ட 21 மாநிலங்கள் மற்றும் யூனியன் பிரதேசங்களிலும் இந்த தற்காலிக விநியோகத்தைத் தொடங்க அனுமதி வழங்கப்பட்டுள்ளது. ரேஷன் கடைகள் மட்டுமின்றி, கூடுதல் வசதிக்காக ஒவ்வொரு மாவட்டத்திலும் மாநில அரசால் அடையாளம் காணப்படும் 2 பொதுத்துறை பெட்ரோல் பங்க்-களிலும் பொதுமக்கள் நேரடியாக மண்ணெண்ணெய் பெற்றுக் கொள்ள வழிவகை செய்யப்பட்டுள்ளது. இந்த நடைமுறையின் மூலம் சுமார் 48,000 கிலோ லிட்டர் கூடுதல் மண்ணெண்ணெய் மாநிலங்களுக்கு ஒதுக்கீடு செய்யப்பட்டுள்ளதாகத் தகவல்கள் தெரிவிக்கின்றன.