மனைவியும் பச்சிளம் குழந்தையும் கொடூரக் கொலை…. நடுஇரவில் கத்தியை எடுத்த கணவன்…. திருச்சூரில் நடந்தேறிய கண்மூடித்தனமான அரங்கேற்றம்….!

கேரள மாநிலம் திருச்சூர் மாவட்டம் வலப்பாடு கடற்கரை அருகே குடும்பத் தகராறு காரணமாக லாரி ஓட்டுநர் ஒருவர் தனது மனைதியையும் ஒன்றரை வயது குழந்தையையும் கழுத்தறுத்துக் கொலை செய்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. வலப்பாட்டைச் சேர்ந்த 40 வயதுடைய விஜேஷுக்கும், 18 வயதான விஸ்மயாவுக்கும் இடையே பல ஆண்டுகளாகக் கருத்து வேறுபாடுகள் நிலவி வந்துள்ளன. வயது வித்தியாசத்தின் காரணமாகத் தம்பதியரிடையே ஏற்பட்ட தொடர் மோதல்களால், விஸ்மயா தனது தாய் வீட்டில் வசித்து வந்தார்.

கணவன், மனைவிக்கிடையே அடிக்கடி தகராறு ஏற்பட்டதைத் தொடர்ந்து, விஸ்மயா விவாகரத்து பெற்றுப் பிரிந்து செல்ல முடிவு செய்தார். ஆனால் விஜேஷ் இதற்குச் சம்மதிக்கவில்லை. இதற்கிடையே, விஸ்மயாவுக்கும் வேறு ஒருவருடன் பழக்கம் ஏற்பட்டதாகக் கூறப்படும் சந்தேகத்தினால், விஜேஷுக்கு அவர் மீது சந்தேகம் மேலும் அதிகரித்துள்ளது. இதுதொடர்பான பிரச்சினைகள் தீவிரமடைந்ததால், விஸ்மயா மனநல மருத்துவரிடம் சிகிச்சை பெற்று வந்ததாகவும் தகவல்கள் தெரிவிக்கின்றன.

இந்தப் பிரச்சினை தொடர்பாக இரு தரப்பினரும் காவல் நிலையத்திற்குச் சென்று புகார் அளித்த நிலையில், காவல்துறையினர் அவர்களைச் சமாதானப்படுத்தி அனுப்பி வைத்தனர். அதன்பின்னர், இரவு அனைவரும் சாப்பிட்டுவிட்டு உறங்கிய நிலையில், நள்ளிரவைக் கடந்ததும் அவர்களது அறையிலிருந்து சத்தம் கேட்டுள்ளது. அப்போது, அறையில் மறைத்து வைக்கப்பட்டிருந்த கூர்மையான கத்தியை எடுத்த விஜேஷ், விஸ்மயாவையும் ஒன்றரை வயதுக் குழந்தை தக்ஷையும் கொடூரமாகக் கழுத்தறுத்துக் கொலை செய்துள்ளார்.

மனைவி மற்றும் பச்சிளம் குழந்தையின் உயிரைப் பறித்த இந்தச் சம்பவத்தால் அப்பகுதி மக்களிடையே பெரும் சோகமும் அதிர்ச்சியும் ஏற்பட்டுள்ளது. தகவலறிந்த காவல்துறையினர் உடனடியாக விஜேஷைக் கைது செய்தனர். மேலும், இந்த இரட்டைக் கொலைக்கான உண்மையான காரணங்கள் குறித்தும், தீவிர விசாரணை மேற்கொண்டு வருகின்றனர்.