வேகமாக வந்த ஆம்புலன்ஸ்.. 5 நிமிஷம் கடவுளாக மாறிய ட்ராபிக் போலீஸ்.. மெய்சிலிர்க்க வைக்கும் வீடியோ..!

பாலக்காட்டில் உள்ள முட்டி குளங்கர ஏ ஆர் முகாமை சேர்ந்த போலீஸ்காரர் மணிகண்டன் செய்த செயல் பலரையும் வியக்க வைத்துள்ளது. மணிகண்டன் ஆம்புலன்ஸ் உடன் ஓடிய நெடுஞ்சாலையில் ஆம்புலன்ஸுக்கு வழி அமைக்க போக்குவரத்தை சீர் செய்வதை காட்டும் ஒரு வீடியோ வைரலாகி வருகிறது. அவரது விரைவான மற்றும் தன்னலமற்ற செயலுக்காக அவர் தற்போது பாராட்டப்பட்டு வருகிறார். சாலையில் வேகமாக பயணிக்கக் கூடிய வாகனங்களுக்கு இடையில் தன் உயிரையும் பொருட்படுத்தாமல் அவர் செய்யும் இந்த செயல் அவரது தன்னலமற்ற மனப்பான்மைக்கு ஒரு சிறந்த எடுத்துக்காட்டாக விளங்குகின்றது.

அந்த வீடியோவில் முதலில் திருச்சூரிலிருந்து எர்ணாகுளத்திற்கு ஒரு நோயாளியை ஏற்றி சென்ற ஆம்புலன்ஸ் ஓட்டுவதால் வெளியிடப்பட்டது. பிறகு அந்த வீடியோவை கேரள காவல்துறையினர் தற்போது இணையத்தில் பரப்பி வருகிறார்கள். மணிகண்டன் தினம்தோறும் தேசிய நெடுஞ்சாலையில் 20க்கும் மேற்பட்ட ஆம்புலன்ஸ்களுக்கு சாலை வழியை சீர் செய்து, அவை தடையில்லாமல் அந்த இடத்தை கடக்க உதவுகின்றார்.

பாலக்காடு கோட்டையை சேர்ந்த 33 வயதான மணிகண்டன் மூன்று மாதங்களுக்கு முன்பு காவல்துறையில் சேர்ந்து உள்ளார். அம்பலூரில் போக்குவரத்து நெரிசல் குறித்து ஆரம்பத்தில் அவருக்கு குழப்பம் இருந்த போதும் ஆம்புலன்ஸ்களை விரைவாக போக்குவரத்து நெரிசலில் மாட்டிக் கொள்ளாமல் வெளியேற்றத் தொடங்கியதும் அந்த வேலை உற்சாகமாக மாறியதாக மணிகண்டன் கூறுகின்றார். அவர் செய்த சேவை குறித்த வீடியோ தற்போது இணையத்தில் வெளியாகிய பலருடைய பாராட்டுகளையும் பெற்று வருகிறது.