விக்ரமுடன் மோதிய கீர்த்தி சுரேஷ்.. 2 நாளில் ரகு தாத்தா படம் செய்த வசூல் எவ்வளவு தெரியுமா..?!

சுதந்திர தினத்தை முன்னிட்டு விக்ரம் நடிப்பில் வெளியான தங்கலான் திரைப்படம் ரசிகர்கள் மத்தியில் நல்ல வரவேற்பை பெற்ற நிலையில் இந்த படத்திற்கு போட்டியாக கீர்த்தி சுரேஷ் நடிப்பில் ரகு தாத்தா திரைப்படம் வெளியானது. தென்னிந்திய அளவில் பிரபல நடிகையாக பழம் வந்து கொண்டிருக்கும் கீர்த்தி சுரேஷ் பெரும்பாலும் பெண்களுக்கு முக்கியத்துவம் கொடுக்கும் கதைகளை தேர்வு செய்து நடித்து வருகின்றார்.

தற்போது புதுவிதமான தோற்றத்தில் ரகு தாத்தா திரைப்படத்தில் கீர்த்தி சுரேஷ் நடித்துள்ளார். இந்த படத்தை புது இயக்குனர் சுமன் குமார் இயக்கினார். இவர் ஏற்கனவே தி பேமிலி மேன் வெப் சீரிஸ் தொடரில் கதை ஆசிரியராக பணியாற்றினார். இந்தப் படத்தில் கீர்த்தி சுரேஷ் உடன் இணைந்து தேவதர்ஷினி, ரவீந்திர விஜய் மற்றும் எம் எஸ் பாஸ்கர் உள்ளிட்டோர் நடித்திருந்தனர்.

சுதந்திர தினத்தன்று தங்கலான், டிமான்டி காலனி 2 போன்ற திரைப்படங்கள் வெளியான அதே நாளில் ரகு தாத்தா திரைப்படம் வெளியானதால் இந்த படத்திற்காக ஒதுக்கப்பட்ட திரையரங்கு காட்சிகளும் குறைவாகத்தான் இருந்தன. இந்த நிலையில் ரகு தாத்தா திரைப்படத்தின் வசூல் குறித்த விபரம் வெளியாகி உள்ளது. அதன்படி இந்த திரைப்படம் கடந்த இரண்டு நாட்களில் 35 லட்சம் வசூல் செய்துள்ளதாக தகவல் வெளியாகி உள்ளது.