நெல்சன் கேட்ட அந்த வார்த்தை, நைட்டு ஃபுல்லா எனக்கு தூக்கம் வரல.. பிளடி பெக்கர் பற்றி மனம் திறந்த நடிகர் கவின்..!

நடிகர் கவினின் அடுத்தடுத்த படங்கள் ரசிகர்களை வெகுவாக கவர்ந்து வருகின்றன. அதன்படி அவருடைய நடிப்பில் வெளியான டாடா மற்றும் ஸ்டார் ஆகிய திரைப்படங்கள் ரசிகர்கள் மத்தியில் நல்ல வரவேற்பை பெற்ற நிலையில் தற்போது நெல்சன் திலீப் குமார் தயாரிப்பில் சிவபாலன் முத்துக்குமார் இயக்கத்தில் ப்ளடி பெக்கர் திரைப்படத்தில் கவின் ஹீரோவாக இணைந்துள்ளார். இந்த திரைப்படத்தின் டீசர் மற்றும் போஸ்டர்கள் ஆகியவை வெளியாகி ரசிகர்களை சிறப்பாக கவர்ந்து உள்ளன.

இந்த நிலையில் நேற்று பிளடி பெக்கர் திரைப்படத்தின் ட்ரெய்லர் வெளியிடப்பட்டது. இந்த திரைப்படம் ரிலீஸ் ஆக இன்னும் சில நாட்கள் மட்டுமே உள்ள நிலையில் படத்தின் பிரீ ரிலீஸ் நிகழ்ச்சியையும் சென்னையில் பட குழுவினர் நடத்தினர். இதில் படத்தின் தயாரிப்பாளரான இயக்குனர் நெல்சன் திலிப் குமார், இயக்குனர் சிவபாலன் முத்துக்குமார் மற்றும் கவின் உள்ளிட்டோர் பலரும் கலந்து கொண்டு படத்தின் சுவாரசியங்களை பகிர்ந்து கொண்டனர். இந்த திரைப்படத்தின் மூலம்தான் சிவபாலன் முத்துக்குமார் இயக்குனராக அறிமுகம் ஆகியுள்ளார். அதனைப் போலவே இயக்குனர் நெல்சன் இப்படம் மூலம் தான் தயாரிப்பாளராக அறிமுகமாகியுள்ளார்.

இந்நிலையில் நேற்று நடைபெற்ற நிகழ்ச்சியில் பேசிய நடிகர் கவின், நெல்சன் திலிப் குமார் மற்றும் சிவபாலன் உள்ளிட்டவர்களுக்கு இது முதல் முயற்சி என்பதால் இந்த படத்தை மேலும் சிறப்பாக கொடுக்க வேண்டும் என்பதில் நான் தீவிரமாக செயல்பட்டேன். இந்த படத்துக்காக நடத்தப்பட்ட லுக் டெஸ்ட் உள்ளிட்டவற்றின் மூலம் படம் குறித்த ஒரு நம்பிக்கை தனக்கு ஏற்பட்டது. இந்த படம் குறித்து தன்னிடம் பேசிய நெல்சன் திலீப் குமார் பண்ணிடுவியா என்று மட்டும் தன்னிடம் கேட்டார், நானும் பண்ணிடுவேன் என்று தலையாட்டினேன்.

அன்னைக்கு நைட்டு எனக்கு ஃபுல்லா தூக்கமே வரல என்ன ஒரு வார்த்தை கேட்டுட்டு இப்படியே போயிட்டாருன்னு யோசிச்சுக்கிட்டே இருந்தேன். இந்த ஒரு வார்த்தை மட்டும் தான் எங்களுக்குள் படம் குறித்த பேச்சாக இருந்தது. தன் மீதும் தன்னுடைய நடிப்பு மீதும் நெல்சன் வைத்திருந்த நம்பிக்கையை காப்பாற்ற தான் முழு வீச்சில் செயல்பட்டேன். தான் நடிப்பில் செயல்படுவதற்கு முன்னதாக மாதத்தில் இவ்வளவு சம்பாதித்தால் போதும் என்ற மனநிலையிலேயே செயல்பட்டேன். ஆனால் அடுத்தடுத்து எனக்கு அமைந்த படங்கள் என்னுடைய நம்பிக்கையை ஏமாற்றியது என்று கவின் கூறியுள்ளார்.