“உயிரோட வாழ பிடிக்கலங்க”…. கையில் விஷ பாட்டிலுடன் கதறிய கணவர்…. கரூரை உலுக்கிய பகீர் வீடியோ…!

கரூர் மாவட்டம் கடவூர் தாலுக்காவைச் சேர்ந்த லாரி டிரைவர் ராஜலிங்கம், தன் மனைவி தனலட்சுமி மற்றொரு நபருடன் தகாத உறவில் இருப்பதாகக் கூறி, கையில் பூச்சிக்கொல்லி மருந்துடன் அழுது வீடியோ வெளியிட்டுத் தற்கொலைக்கு முயன்ற சம்பவம் தமிழகத்தில் பெரும் பரபரப்பை ஏற்படுத்தியுள்ளது. தமிழக வெற்றிக் கழகத்தின் கடவூர் தெற்கு ஒன்றிய மகளிர் அணி செயலாளராகப் பொறுப்பு வகிக்கும் தனலட்சுமி, குடும்பத் தகராறு காரணமாகக் கணவரைப் பிரிந்து பெற்றோர் வீட்டில் வசித்து வந்த நிலையில், அதே கட்சியின் ஒன்றிய நிர்வாகியான முத்துசாமி என்பவருடன் அவருக்குப் பழக்கம் ஏற்பட்டுள்ளதாக ராஜலிங்கம் குற்றம் சாட்டியுள்ளார்.

தன் மனைவி முத்துசாமியுடன் நெருக்கமாக இருக்கும் வீடியோ ஆதாரங்கள் தனக்குக் கிடைத்ததாகவும், இதனால் மனவுளைச்சலுக்கு ஆளாகித் தன்னால் வெளியில் தலைகாட்ட முடியவில்லை என்றும் ராஜலிங்கம் அந்த வீடியோவில் உருக்கமாகப் பேசியுள்ளார். மேலும், தனது மாமனார் வீட்டிற்கு முத்துசாமி ரூ. 4 லட்சம் பணம் கொடுத்திருப்பதாகவும், இதுகுறித்து பாலவிடுதி காவல் நிலையத்தில் புகார் அளித்தும் எந்த நடவடிக்கையும் எடுக்கப்படவில்லை என்றும் அவர் குற்றம் சாட்டினார். அத்துடன், தனக்கோ அல்லது தன் குடும்பத்தினருக்கோ ஏதேனும் ஆபத்து நேர்ந்தால் அதற்குத் தன் மனைவியும் அந்த அரசியல் நிர்வாகியுமே காரணம் என்றும் தெரிவித்திருந்தார்.

வீடியோவை வெளியிட்ட கையோடு வயல்வெளியில் வைத்து ராஜலிங்கம் விஷம் குடித்துத் தற்கொலைக்கு முயன்ற நிலையில், அவரைக் கண்ட உறவினர்கள் உடனடியாக மீட்டு மயிலம்பட்டி அரசு மருத்துவமனையில் முதலுதவி சிகிச்சைக்குச் சேர்த்தனர். பின்னர் அவர் மேல் சிகிச்சைக்காகக் கரூர் அரசு மருத்துவமனைக்குக் கொண்டு செல்லப்பட்டு, அங்கு அவருக்குத் தீவிர சிகிச்சை அளிக்கப்பட்டு வருகிறது. இந்தத் தற்கொலை முயற்சி வீடியோ சமூக வலைதளங்களில் வெளியாகிப் பெரும் அதிர்ச்சியை ஏற்படுத்தியுள்ளது.

அதேவேளையில், கணவரின் இந்த அனைத்துக் குற்றச்சாட்டுகளையும் தனலட்சுமி முற்றிலுமாக மறுத்துள்ளார். தனக்கும் அந்தத் தவெக நிர்வாகிக்கும் எந்தவிதத் தொடர்பும் இல்லை என்றும், தன் மீது பொய்யான பழியைச் சுமத்தும் கணவர் மீது நடவடிக்கை எடுக்க வேண்டும் என்றும் கூறி அவர் கரூர் மாவட்டக் காவல் கண்காணிப்பாளர் (SP) அலுவலகத்தில் புகார் அளித்துள்ளார். வழக்கைப் பதிவு செய்துள்ள காவல்துறையினர் தொடர்ந்து விசாரணை நடத்தி வருகின்றனர்.