நடிகர் சூர்யா நடித்த கருப்பு படம் ரிலீஸ் எப்போது? இரண்டு தேதிகளை முடிவு செய்த படக்குழு – அந்த நாளில் ரிலீஸ் என்றால் ரெட்ரோ படமும் நினைவுக்கு வருமே?

நடிகர் சூர்யா நடிப்பில் கடைசியாக வெளியான படம் ரெட்ரோ. கார்த்திக் சுப்பராஜ் இயக்கிய இந்த படம் கடந்தாண்டு மே 1ம் தேதி ரிலீஸானது. அதன்பிறகு நடிகர் சூர்யா ஆர்ஜே பாலாஜி இயக்கத்தில் கருப்பு படத்தில் நடித்தார். பிறகு வெங்கி அட்லூரி இயக்கத்தில் விஸ்வநாதன் அண்ட் சன்ஸ் என்ற படத்தில் நடித்து முடித்துள்ளார். இப்போது மலையாள இயக்குனர் ஜித்து மாதவன் இயக்கத்தில் தனது 47வது படத்தில் நடித்து வருகிறார்.

இந்நிலையில் கருப்பு படம் பல மாதங்களாக ரிலீஸ் ஆகாமல் இருந்து வருகிறது. ஜனநாயகன் படம் ரிலீஸ் என அறிவிக்கப்பட்டதால் கருப்பு படம் பொங்கலுக்கும் ரிலீஸ் ஆகவில்லை. இப்போது ஏப்ரல் 10ம் தேதி ரிலீஸ் என திட்டமிட்டுள்ளனர். ஆனால் சட்டசபை தேர்தல் வந்துவிட்டால் அந்த தேதியில் படம் வெளியிட முடியாது என்பதால், மே 1ம் தேதி ரிலீஸ் என்றும் முடிவு செய்துள்ளனர். ஏப்ரல் 10 அல்லது மே 1 என்ற 2 தேதிகளை லாக் செய்திருக்கின்றனர். கடந்தாண்டு மே 1ல் தான் ரெட்ரோ படம் வௌியானது.