தமிழ் சினிமாவின் முன்னணி காமெடி நடிகர்களில் ஒருவராக வலம் வருபவர் நடிகர் கருணாஸ். இவர் நடிகர் மட்டுமல்ல .ஒரு இசையமைப்பாளரும் கூட. அது மட்டும் இல்லாமல் இவர் தமிழக அரசியலிலும் களமிறங்கி கலக்கியவர்.
சூர்யா நடிப்பில் வெளிவந்த ‘நந்தா’ படத்தில் ‘லொடுக்கு பாண்டி’ என்ற கதாபாத்திரத்தின் மூலம் தான் கருணாஸ் சினிமா உலகில் அறிமுகமானார். இத்திரைப்படத்தில் அவரது கதாபாத்திரம் ரசிகர்கள் மத்தியில் நல்ல வரவேற்பு பெற்றது. அதன் பின்னர் விஜய், அஜித், தனுஷ் என பல முன்னணி நடிகர்களோடு நடித்து தமிழ் சினிமாவின் முன்னணி நகைச்சுவை நடிகர்களில் ஒருவரானார். இதைத் தொடர்ந்து வில்லன், புதிய கீதை ,திருமலை, குத்து, பிதாமகன், திருடா திருடி உள்ளிட்ட பல முன்னணி நடிகர்களின் படங்களில் நடித்துள்ளார்.
#image_title
மேலும் திண்டுக்கல் சாரதி, அம்பாசமுத்திரம் அம்பானி, சாந்த மாமா போன்ற திரைப்படங்களில் ஹீரோவாகவும் நடித்துள்ளார். தற்பொழுது இவர் பல்வேறு திரைப்படங்களில் கமிட்டாகி குணச்சித்திர கதாபாத்திரங்களில் நடித்து வருகிறார். இடையில் அவர் அரசியல் கட்சி தொடங்கி அதிமுக சார்பில் போட்டியிட்டு சட்டமன்ற உறுப்பினராகவும் ஆனார். அதன் பின்னர் தற்போது மீண்டும் நடிகராக தன் பயணத்தைத் தொடங்கியுள்ளார்.
அவர் சினிமாவில் அறிமுகமாகி 23 ஆண்டுகள் ஆகின்றன. ஆனால் இந்த காலத்தில் அவர் 160 படங்கள்தான் நடித்துள்ளார். ஒரு நகைச்சுவை நடிகருக்கு இந்த எண்ணிக்கைக் குறைவுதான். அதுபற்றி அவரே ஒரு நேர்காணலில் பேசியுள்ளார். அதில் “நான் நிறையப் படங்களை வேண்டாம் என்று சொல்லியுள்ளேன். சமீபத்தில் ஒரு படத்தில் ஹீரோவுக்கு வட்டிக்கு விட்டு அவரை டார்ச்சர் செய்யும் கதாபாத்திரத்தில் நடிக்க சொன்னார்கள். ஆனால் நான் மறுத்துவிட்டேன்.
அதேபோல ஜி படத்தில் அஜித்துக்கு நண்பர் வேடத்தில் நடிக்க கேட்டார்கள். அதில் அஜித் ஜெயிலுக்கு சென்று வந்தபின்னர் அவர் உதவி கேட்க, நான் செய்யமுடியாது என்று சொல்லும் கதாபாத்திரம் என்றார்கள். அதனால் நான் நடிக்க மறுத்துவிட்டேன். ஏனென்றால் ஒரு நண்பனுக்கு உதவி செய்யாதவன் எல்லாம் என்ன நண்பன்” எனக் கூறியுள்ளார்.