“திரும்ப வந்துட்டேன்னு சொல்லு” விமர்சனங்களை வெளுத்து வாங்கிய ₹14 கோடி CSK சிங்கம்.. வாயடைக்க வைத்த கார்த்திக் சர்மா..!

ஐபிஎல் 2026 தொடரில் சென்னை சூப்பர் கிங்ஸ் (CSK) அணியால் ₹14.2 கோடி என்ற மிகப்பெரிய தொகைக்கு ஏலம் எடுக்கப்பட்ட இளம் வீரர் கார்த்திக் சர்மா, தொடக்கத்தில் சொற்ப ரன்களுக்கு ஆட்டமிழந்து விமர்சனங்களைச் சந்தித்தார். விலை உயர்ந்த வீரர் என்ற அழுத்தத்துடன் களமிறங்கிய அவர், மும்பை இந்தியன்ஸ் அணிக்கு எதிரான போட்டியில் 40 பந்துகளில் 54* ரன்கள் எடுத்து தனது முதல் ஐபிஎல் அரைசதத்தைப் பதிவு செய்தார்.

இந்த அசத்தலான வெற்றிக்குப் பிறகு, அவர் மைதானத்தில் துப்பாக்கியால் சுடுவது போன்ற ஒரு மாஸான ‘கன் ஷாட்’ (Gun shot) கொண்டாட்டத்தை வெளிப்படுத்தினார். விமர்சகர்களின் வாயை அடைக்கும் விதமாக அமைந்த இந்த தனித்துவமான கொண்டாட்ட வீடியோ தற்போது சமூக வலைதளங்களில் வைரலாகி வருகிறது.

தொடர்ந்து சிறப்பாக விளையாடி வரும் இந்த 20 வயது இளம் விக்கெட் கீப்பர்-பேட்ஸ்மேன், லக்னோ அணிக்கு எதிரான சமீபத்திய போட்டியிலும் 42 பந்துகளில் 71 ரன்கள் குவித்து அசத்தினார். ஆரம்பத்தில் தடுமாறினாலும், சிஎஸ்கே நிர்வாகம் அவர் மீது நம்பிக்கை வைத்து 4-வது வரிசைக்குத் தரம் உயர்த்தியதே இந்த மாபெரும் மீள்வருகைக்குக் காரணமாக அமைந்துள்ளது.