தமிழ் சினிமாவின் புரட்சி இயக்குனருடன் இணையும் கார்த்தி.. தொடர் தோல்வியால் விழித்துக்கொண்ட ‘பருத்திவீரன்’..

தமிழ் சினிமாவில் கார்த்தி மிக முக்கியமான கதாநாயகனாக வளம் வந்து கொண்டிருக்கிறார். தற்போது இவர் விஜய் சேதுபதி, திரிஷா அவர்கள் நடிப்பில் 2018 ஆம் ஆண்டு வெளிவந்த “96” பட இயக்குனர் “பிரேம்குமார்” அவர்கள் இயக்கத்தில் நடித்துக் கொண்டிருக்கிறார். இப்படத்தின் பூஜை நவம்பர் 8ஆம் தேதி நடைபெற்று தற்போது படப்பிடிப்பு சிறப்பாக நடந்து கொண்டிருக்கிறது.

இப்படத்தில் அரவிந்த்சாமி வில்லனாக நடித்து வருகிறார். கார்த்திக்கு ஜோடியாக நடிக்கும் கதாநாயகியை சஸ்பென்ஸாக வைத்து படத்தை இயக்கிக் கொண்டிருக்கிறார்கள். “கோவிந்த் வசந்தா” அவர்கள் இப்படத்தில் இசை அமைக்க, பி.சி ஸ்ரீ ராம் இப்படத்தின் கேமராமேனாக வேலை செய்து வருகிறார். இப்படத்தின் அப்டேட் எதுவும் வெளிவிடாமல் சீக்ரெட் ஆக வைத்து படத்தை இயக்கிக் கொண்டிருக்கிறார்கள். கூடிய விரைவில் படத்தின் அப்டேட்களை வெளியிடுகிறேன் என்று பிரேம்குமார் தெரிவித்து இருக்கிறார்.

இந்த படம் முழுமையாக முடிந்து ரசிகர்களுக்கு விருந்தாக தீபாவளி சமயத்தில் திரைக்கு வரும் என்று தெரிவித்திருக்கிறார்கள். கடந்த தீபாவளி சமயத்தில் கார்த்தியின் 25வது படமான “ஜப்பான்” வெளியாகி ஓரளவுக்கு வசூலை பெற்று மக்கள் மத்தியில் நல வரவேற்பு கிடைத்திருந்தது. அதன் பின்னதாக கார்த்தியின் 26 ஆறாவது படத்தை “சூது கவ்வும்” இயக்குனர் “நல்லன் கருப்பசாமி” அவர்கள் இயக்கியுள்ளார். இப்படத்தில் கார்த்திக்கு ஜோடியாக கீர்த்தி செட்டி நடித்துள்ளார்கள். இப்படம் முழுமையாக முடிவடைந்து, இன்னும் சில மாதங்களில் திரைக்கு வரும் என்று இயக்குனர் தெரிவித்து இருக்கிறார்.

கார்த்தியின் 27வது படமான பிரேம்குமார் அவர்கள் இயக்கத்தில் படத்தை முடித்துவிட்டு, பரியேறும் பெருமாள், மாமன்னன் போன்ற மாபெரும் படைப்புகளை படைத்த “மாரி செல்வராஜ்” அவர்களின் இயக்கத்தில் கார்த்தி இந்த வருட கடைசியில் இருந்து கார்த்திக் 28 வது படத்தை துவங்க உள்ளதாக தகவல் வெளியாகி உள்ளது. பிரின்ஸ் பிக்சர்ஸ் நிறுவனம் கார்த்தியின் இப்படத்தை தயாரித்து 2025 ஆம் ஆண்டு திரைக்கு கொண்டு வருகிறோம் என்று தெரிவித்திருக்கிறார்கள்.