கார் விபத்தில் பிரபல நடிகர் மரணம்… கண்ணீரில் மூழ்கிய ஒட்டுமொத்த திரையுலகம்….!

கன்னடத் திரையுலகில் வளர்ந்து வரும் இளம் நடிகரான ஹரீஷ் (40), கர்நாடக மாநிலம் குடகு மாவட்டத்தில் நிகழ்ந்த கோரமான சாலை விபத்தில் அகால மரணமடைந்தது பெரும் சோகத்தை ஏற்படுத்தியுள்ளது. குஷால்நகரில் இருந்து தனது சொந்த ஊரான ஹோசகோட்டைக்குத் தனது காரில் சென்று கொண்டிருந்தபோது, அனேகடு வனப்பகுதி அருகே சாலையோரம் நின்று கொண்டிருந்த டேங்கர் லாரி மீது கார் எதிர்பாராதவிதமாக அதிவேகமாக மோதியது.

இந்த விபத்தின் கோரத்தினால் கார் முற்றிலும் சிதைந்த நிலையில், நடிகர் ஹரீஷ் சம்பவ இடத்திலேயே உயிரிழந்தார்; இது குறித்து வழக்குப் பதிவு செய்துள்ள குஷால்நகர் காவல்துறையினர் தீவிர விசாரணை மேற்கொண்டு வருகின்றனர். திறமையான ஒரு நடிகரை இழந்த துக்கத்தில் கன்னடத் திரைப்பட மற்றும் சின்னத்திரை உலகினர் ஆழ்ந்த இரங்கலைத் தெரிவித்து வருகின்றனர்.