44 வருடங்களுக்கு பிறகு ரஜினியுடன் இணையும் கமல்… மக்கள் காத்திருந்த அந்த கூட்டணி… இவர் தான் இயக்குநரா…?

தமிழ் சினிமாவின் முன்னணி நடிகர்களாக ரஜினியும் , கமலும் வலம் வந்து கொண்டுள்ளனர். இவர்கள் இருவரும் இணைந்து தற்பொழுது லோகேஷ் கனகராஜ் இயக்கத்தில் நடிக்க இருப்பதாக கூறப்படுகிறது.  இயக்குனர் லோகேஷ் கனகராஜ் தமிழ் சினிமாவின் முன்னணி இயக்குனர்களில் ஒருவராக வலம் வருபவர். இவர் சினிமா மீது இருந்த ஆர்வத்தின் காரணமாக குறும்படங்களை இயக்கத் தொடங்கினார். அதன்பிறகு ட்ரீம் வாரியார் பிக்சர்ஸ் நிறுவனம் லோகேஷியும் அவரது கதையையும் நம்பி படம் தயாரிக்க ஒப்புக்கொண்டது.

அப்படி உருவான திரைப்படம் தான் மாநகரம். அழகான திரைக்கதையை குறைவான பட்ஜெட்டில் அமைத்து ரசிகர்களை கவர்ந்தார். எந்த இயக்குனரிடமும் உதவி இயக்குனராக பணியாற்றாமல் நேரடியாக இயக்குனர் ஆனார். அதன்பின்னர் கார்த்தியை வைத்து ‘கைதி’ என்ற திரைப்படத்தை இயக்கி சூப்பர் டூப்பர் ஹிட் கொடுத்தார். ஒரே இரவில் நடக்கும் ஒரு கதைக்கு மிகவும் சிறப்பான கதை அம்சத்தை கொடுத்திருந்தார் லோகேஷ் கனகராஜ்.

அதைத் தொடர்ந்து நடிகர் விஜயை வைத்து ‘மாஸ்டர்’ திரைப்படம் ,கமல்ஹாசனை வைத்து ‘விக்ரம்’ திரைப்படம் போன்றவற்றை இயக்கி மிகவும் பிரபலமானார். லோகேஷின் படங்களை ‘லோகேஷ் யுனிவர்ஷ்’ என ரசிகர்கள் கூறத் தொடங்கினார்கள். அந்த வகையில் தற்போது லியோ திரைப்படமும் LCUவில் வந்துவிட்டது. இதைத்தொடர்ந்து சூப்பர் ஸ்டார் ரஜினிகாந்தை வைத்து தலைவர் 171 படத்தை  இயக்க உள்ளார்.

தற்பொழுது தலைவர் 171ஐ   விக்ரமுடன் LCUவுக்கு கொண்டு வர எண்ணியுள்ளார் லோகேஷ்.  இந்தப்படத்துக்கு கமல் ஏற்கனவே அனுமதி கொடுத்துவிட்டார் எனவும், தலைவர் 171ல் கமல் 7 நிமிடங்கள் நடிப்பதாகவும், படம் 2024 மார்ச்சில் தொடங்கும் என்று சொல்லப்படுகிறது. தலைவர் 171 க்கு அனிருத் இசையமைக்க உள்ளதும் குறிப்பிடத்தக்கது. கமல், ரஜினி இருவரும் இணைந்து எப்போது படம் நடிப்பார்கள் என்று காத்துக்கிடந்த ரசிகர்களுக்கு இந்த செய்தி தற்பொழுது கொண்டாட்டத்தை கொடுத்துள்ளது.