இந்த சூப்பர் ஹிட் பாடல்களுக்கு கம்போஸ் செய்தது இவரா?.. அட என்னப்பா சொல்றீங்க.. காணாமல் போன இசையமைப்பாளர் ஜோசுவா ஸ்ரீதர்..!

தென்னிந்திய திரை உலகில் ஒரு தவிர்க்க முடியாத இசையமைப்பாளராக உள்ளவர் தான் ஜோசுவா ஸ்ரீதர். இவர் தமிழ், தெலுங்கு மற்றும் கன்னடம் உள்ளிட்ட பழமொழி திரைப்படங்களுக்கு இசையமைத்துள்ளார். கடந்த 2004 ஆம் ஆண்டு பரத் நடிப்பில் வெளியான காதல் திரைப்படம் மூலமாக தான் இவர் முதன்முதலாக தமிழ் சினிமாவில் இசையமைப்பாளராக அறிமுகமானார். அன்று தொடங்கி இன்று வரை இசையமைப்பாளராக பயணித்துக் கொண்டிருக்கிறார். ஆனால் இவரைப் பற்றி பலருக்கும் தெரிந்திருக்க வாய்ப்பில்லை. இவர் இசையமைத்த பாடல் கூட என்ன என்று யாரும் அறிந்திருக்க மாட்டார்கள். அந்த அளவிற்கு சினிமாவில் சத்தம் இல்லாமல் சாதனை படைத்த மனிதர். 19 வயதிலேயே காதல் வயப்பட்டு திருமணம் செய்து கொண்ட இவர் 20 வயதில் ஒரு குழந்தைக்கு அப்பாவானார்.

திருமணத்திற்குப் பிறகு 1993 ஆம் ஆண்டு கிறிஸ்துவ மதத்திற்கு மாறிய இவர் அதுவரை ஸ்ரீதர் ஆக இருந்தவர் ஜோஸ்வா ஸ்ரீதர் ஆக மாறினார். 2004 ஆம் ஆண்டு கிறிஸ்துவ மதத்திலிருந்து வெளியேறி இந்துவாக வாழ்ந்து வருகின்றார். பின்னர் பார்த்தாலே பரவசம், Lagaan, காதல் வைரஸ் மற்றும் பாய்ஸ் என தொடர்ந்து மூன்று வகை ஆண்டுகள் ரகுமானின் 15 படங்களில் பல பாடல்களுக்கும் பின்னணி இசைக்கும் கீபோர்டு வாசித்தார். அதே சமயத்தில் யுவன் சங்கர் ராஜா மற்றும் கார்த்திக் ராஜா உள்ளிட்ட இசை அமைப்பாளர்களோடு இணைந்தார். பிறகு தான் காதல் படத்திற்கு இசையமைக்கும் வாய்ப்பு இவருக்கு கிடைத்தது.

காதல் படத்தில் இடம் பெற்ற, தொட்டு தொட்டு உன்னை, உனக்கென இருப்பேன் , அவன் பார்த்ததுமே நான் பூத்து விட்டேன் ஆகிய பாடல்கள் அனைத்தும் இவருடைய இசையில் உருவானது தான். இது இதுவரை பலருக்கும் தெரிந்திருக்க வாய்ப்பில்லை. அதனைப் போலவே மாணவர்களின் கல்லூரி வாழ்க்கையை மையமாகக் கொண்டு உருவான கல்லூரி திரைப்படத்தில் இடம்பெற்ற “சரியா இது தவறா” என்ற பாடலுக்கும் இவர்தான் இசையமைத்திருந்தார்.

இந்தப் பாடல் இன்றும் பலருடைய ஃபேவரைட் பாடலாக உள்ளது. அதனைப் போலவே நானி மற்றும் நித்யா மேனன் நடிப்பில் வெளியான வெப்பம் திரைப்படத்தில் இடம் பெற்ற “மழை வரும் மழைத்துளி”என்ற பாடலுக்கும் ஜோஸ்வா தான் இசையமைத்திருந்தார். மேலும் ஒரு குப்பை கதை என்ற திரைப்படத்தில் இடம் பெற்ற “மழை பொழிந்திடும் நேரம் மனதில் ஓர் ஈரம்”என்ற பாடலுக்கும் இவர்தான் இசையமைத்திருந்தார். இப்படி சினிமாவில் சத்தம் இல்லாமல் சாதனை படைத்த இவர் பற்றி இன்றும் பலருக்கும் தெரியவில்லை. இவர் எங்கே என்று தேடும் அளவிற்கு காணாமல் போய்விட்டார்.