உச்சக்கட்டப் பதற்றம்!… “ஒரே ஒரு ஏவுகணை… நள்ளிரவில் நரகமான பாலம்!”… இன்னும் நிறைய வரப்போகிறது.. ஈரானுக்கு அமெரிக்கா கொடுத்த கடைசி ‘டெட்லைன்’…!!

இந்த மோதலின் உச்சகட்டமாக, ஈரானின் தலைநகர் தெஹ்ரான் மற்றும் கராஜ் நகரங்களை இணைக்கும் வகையில் கட்டப்பட்டு வந்த, மத்திய கிழக்கின் மிக உயரமான ‘B1’ பாலம் வான்வழித் தாக்குதலில் தரைமட்டமாக்கப்பட்டுள்ளது. 136 மீட்டர் உயரம் கொண்ட இந்த பாலம் ஈரானின் பொறியியல் அதிசயமாகக் கருதப்பட்டு வந்தது. அமெரிக்க அதிபர் டொனால்ட் டிரம்ப், “ஈரானை கற்காலத்திற்குக் குண்டுவீசி அழிப்போம்” என்று எச்சரித்திருந்த நிலையில், இந்த முக்கிய பாலம் தகர்க்கப்பட்டுள்ளது பெரும் அதிர்ச்சியை ஏற்படுத்தியுள்ளது.

இந்தக் கொடூரத் தாக்குதலை ஈரான் அரசு ஊடகங்கள் உறுதிப்படுத்தியுள்ளன. முதலில் நடத்தப்பட்ட தாக்குதலில் இருவர் உயிரிழந்த நிலையில், மீட்புப் பணிகள் நடைபெற்றுக் கொண்டிருந்தபோது மீண்டும் ஒரு தாக்குதல் நடத்தப்பட்டதாகத் தெரிவிக்கப்பட்டுள்ளது. இதில் பலர் காயமடைந்துள்ளனர். பாலம் இடிந்து விழும் வீடியோக்கள் இணையத்தில் வெளியாகிப் பரபரப்பை ஏற்படுத்தியுள்ள நிலையில், அமெரிக்க எதிரிகளின் திட்டமிட்ட சதி இதுவென ஈரான் குற்றம் சாட்டியுள்ளது.

இந்தத் தாக்குதல் குறித்துத் தனது ‘ட்ரூத் சோஷியல்’ பக்கத்தில் பதிவிட்டுள்ள டொனால்ட் டிரம்ப், “ஈரானின் பிரம்மாண்ட பாலம் இனி பயன்பாட்டிற்கு உதவாது, இது ஆரம்பம்தான்” என எச்சரித்துள்ளார். நிலைமை கைமீறிச் செல்வதற்குள் ஈரான் பேச்சுவார்த்தைக்கு உடன்பட வேண்டும் என்றும் அவர் வலியுறுத்தியுள்ளார். ஈரானின் ராணுவ பலத்தை ஏற்கனவே அமெரிக்கா சிதைத்துவிட்டதாகவும், போர் விரைவில் முடிவுக்கு வரும் என்றும் அவர் குறிப்பிட்டுள்ள நிலையில், வளைகுடா பிராந்தியத்தில் அமைதி திரும்புமா என்பது கேள்விக்குறியாகவே உள்ளது.