பொன்னியின் செல்வன் நடிகையுடன் நெருக்கம்.. மனைவியின் சினிமா என்ட்ரிக்கு NO.. விவாகரத்து சர்ச்சைக்கு இது தான் காரணமா..?

நடிகர் ஜெயம் ரவி ஆர்த்தி தம்பதியினரின் விவாகரத்து செய்தி தான் சமூக வலைதளத்தில் தீயாய் பரவி வருகிறது. ஆனால் இதுகுறித்து ஜெயம் ரவி, ஆர்த்தி தரப்பிலிருந்து எந்தவித தகவலும் வெளியாகவில்லை. பிரபல நடிகரான ஜெயம் ரவி ஜெயம் படத்தின் மூலம் திரையுலகில் தனது பயணத்தை ஆரம்பித்தார். முதல் படமே சூப்பர் ஹிட் ஆனதால் அடுத்தடுத்த படங்களில் கமிட் ஆகி முன்னணி நடிகராக வலம் வருகிறார்.

கடந்த 2009-ஆம் ஆண்டு ஜெயம் ரவி ஆர்த்தியை காதலித்து திருமணம் செய்து கொண்டார். இந்த தம்பதியினருக்கு இரண்டு மகன்கள் இருக்கின்றனர். அன்றிலிருந்து இன்று வரை ஜெயம் ரவி எங்கு சென்றாலும் தனது மனைவியை உடன் அழைத்துச் செல்வார். சினிமா சம்பந்தப்பட்ட நிகழ்ச்சிகள் முதல் இரவு நேர பார்ட்டி வரை எங்கு சென்றாலும் ஜெயம் ரவி தனது மனைவியுடன் செல்வார்.

இந்நிலையில் பொன்னியின் செல்வன் படத்தில் நடித்த நடிகைக்கும் ஜெயம் ரவிக்கும் இடையே பழக்கம் ஏற்பட்டதாக கிசுகிசுக்கள் வெளியானது. இதனால் ஆர்த்தி,ஜெயம் ரவி தம்பதிக்கிடையே கருத்து வேறுபாடு ஏற்பட்டுள்ளது. கடைசியாக ஜெயம் ரவி நடித்த இறைவன், சைரன் ஆகிய படங்கள் மக்களிடையே வரவேற்பை பெறவில்லை.

இதனால் அவரது மார்க்கெட் சற்று சரிந்துள்ளது. ஜெயம் ரவியின் மாமியார் சுஜாதா விஜயகுமார் ஜெயம் ரவியின் சைரன் உள்ளிட்ட படங்களையும், பல சீரியல்களையும் தயாரித்து வருகிறார். தற்போது ஜெயம்ரவியின் மார்க்கெட் குறைந்ததால் அடுத்த படம் தயாரிப்பது, சம்பளம் கொடுப்பது உள்ளிட்டவை தொடர்பாக ஜெயம் ரவிக்கும் சுஜாதா விஜயகுமாருக்கும் இடையே சில மனக்கசப்புகள் இருப்பதாக கூறப்படுகிறது.

ஆர்த்தியின் நெருங்கிய தோழியான த்ரிஷா சினிமாவில் இப்போது முன்னணி நடிகையாக வலம் வருகிறார். அப்படி இருக்க தானும் தனக்கு ஒரு அடையாளத்தை உருவாக்கிக் கொள்ள வேண்டும் என ஆர்த்தி நினைக்கிறாராம். வெளிநாட்டில் படிப்பை முடித்த ஆர்த்தி குடும்பத்தை கவனித்து வருகிறார். எனவே சினிமாவில் என்ட்ரி கொடுத்து, புது பிசினசை தொடங்கி தனக்கான அடையாளத்தை உருவாக்க வேண்டும் என ஆர்த்தி நினைத்துள்ளார்.

ஆனால் ஆர்த்தி சினிமாவிற்குள் நுழைய ஜெயம் ரவி மறுப்பு தெரிவித்ததால் இருவருக்கும் இடையே தகராறு ஏற்பட்டதாக கூறப்படுகிறது. ஜெயம் ரவி நடித்த ஜெயம் படம் 21 ஆண்டுகள் நிறைவானதை குறிக்கும் பொருட்டு ஆர்த்தி தனது சமூக வலைதள பக்கத்தில், காதல் என்னும் வார்த்தை.. அது வார்த்தை அல்ல.. வாழ்க்கை என்ற வசனம் இடம் பெற்ற போஸ்டரை வெளியிட்டு இருந்தார். சமீபத்தில் தனது கணவருடன் எடுத்த புகைப்படங்களை ஆர்த்தி சமூக வலைதள பக்கத்திலிருந்து நீக்கிவிட்டார். இதனால் அவர்களது விவாகரத்து தொடர்பான செய்தி உண்மையாக இருக்குமோ என ரசிகர்கள் அதிர்ச்சியில் உள்ளனர்.