அட்லீ இயக்கத்தில் ஷாருக்கான் நயன்தாரா நடிப்பில் உருவான ஜவான் படம் கடந்த செப்டம்பர் மாதம் 7-ஆம் தேதி ரிலீசானது. இந்த படத்தில் ஷாருக்கான் இரண்டு வேடங்களில் நடித்துள்ளார். மேலும் விஜய் சேதுபதி, யோகி பாபு உள்ளிட்டோரும் இந்த படத்தில் நடித்துள்ளனர். இந்த படத்திற்கு அனிருத் இசையமைத்துள்ளார்.
இந்நிலையில் தமிழ், தெலுங்கு, மலையாளம், கன்னடம், ஹிந்தி ஆகிய மொழிகளில் வெளியான ஜவான் படத்திற்கு இதுவரை இல்லாத பெரும் வரவேற்பு கிடைத்துள்ளது. சினிமா வரலாற்றிலேயே முதல் நாளில் உலகம் முழுவதும் ஜவான் படம் 129 கோடி ரூபாய் வசூலித்தது. இரண்டாவது நாளில் 240.47 கோடி ரூபாய் வசூல் செய்ததாக அதிகாரப்பூர் அறிவிப்பு வெளியானது.
இதனை தொடர்ந்து படம் ரிலீசான 5 நாட்களில் மொத்த வசூல் 574.80 கோடி ரூபாயும், பத்தாவது நாளில் மொத்த வசூல் 797.50 கோடியையும் எட்டியது. இந்நிலையில் சினிமா வரலாற்றிலேயே முதன்முறையாக உலகம் முழுவதும் ஜவான் படம் 1004.92 கோடி ரூபாயை வசூல் செய்துள்ளது. இதற்கு முன் யாரும் பார்த்திராத வெற்றி எனப்பட குழு வீடியோவை அதிகாரப்பூர்வமாக தனது ட்விட்டர் பக்கத்தில் வெளியிட்டுள்ளது. படம் வெளியான 19 நாட்களிலேயே ஆயிரம் கோடி ரூபாய் வசூல் செய்தது குறிப்பிடத்தக்கதாகும்.
History in the maKING ft. Jawan! ????
Have you watched it yet? Go book your tickets now! https://t.co/B5xelU9JSg
Watch #Jawan in cinemas – in Hindi, Tamil & Telugu. pic.twitter.com/rhJSF0vdsw
— Red Chillies Entertainment (@RedChilliesEnt) September 25, 2023