இயக்குநர் ராஜுமுருகன் இயக்கத்தில் உருவான ‘மை லார்ட்’ திரைப்படத்தின் புரமோஷன் நிகழ்ச்சியில் கலந்துகொண்ட இயக்குநர் எச். வினோத், சமகால அரசியல் மற்றும் ஊடகங்களின் நிலைப்பாடு குறித்து தனது ஆதங்கத்தை வெளிப்படையாகப் பகிர்ந்துள்ளார். இப்படத்தில் அநீதியால் பாதிக்கப்படுபவர்களைக் காப்பாற்ற ஊடகவியலாளர்கள் முன்வருவது போன்ற காட்சிகள் இடம்பெற்றுள்ளதைச் சுட்டிக்காட்டிய அவர், நிஜ வாழ்க்கையில் நிலைமை அவ்வாறு இல்லை என்பதை வருத்தத்துடன் பதிவு செய்தார். திரையில் காட்டப்படும் இந்த ஹீரோயிசம் எதார்த்தத்தில் ஊடகங்களிடம் இருக்கிறதா என்ற கேள்வியையும் அவர் எழுப்பினார்.
தொடர்ந்து பேசிய அவர், “உண்மையில் நான் இதுபோன்ற தீவிரமான அரசியலைப் பேசினால், என்னைக் காப்பாற்ற யாரும் வரமாட்டீர்கள்” என்று வெளிப்படையாகக் கூறினார். ஒரு படைப்பாளி சமூக விழிப்புணர்வுடன் கருத்துக்களை முன்வைக்கும்போது, அவருக்குப் பின்னால் நின்று ஆதரவு கொடுக்க ஊடகங்களோ அல்லது பொதுமக்களோ முன்வருவதில்லை என்ற கசப்பான உண்மையை வினோத் சுட்டிக்காட்டியுள்ளார். இவரது இந்தப் பேச்சு தற்போது சமூக வலைதளங்களில் சினிமா மற்றும் ஊடகத் துறையினர் இடையே பெரும் விவாதத்தை ஏற்படுத்தியுள்ளது.