‘ஜனநாயகன்’ திரைப்படம் தணிக்கைக்காக (Censor) 20 நிமிடங்கள் வரை குறைக்கப்பட்டுள்ளதாக சமூக வலைதளங்களில் பரவி வரும் செய்திகளைத் தயாரிப்பாளர் தனஞ்சயன் திட்டவட்டமாக மறுத்துள்ளார். இது முற்றிலும் பொய்யான தகவல் என்று குறிப்பிட்டுள்ள அவர், படத்தின் மீதான எதிர்பார்ப்பைக் கெடுக்கும் நோக்கில் இத்தகைய திட்டமிட்ட வதந்திகள் பரப்பப்படுகின்றனவா என்ற கேள்வியையும் எழுப்பியுள்ளார்.
தயாரிப்பு தரப்பிலிருந்து அதிகாரப்பூர்வமான அறிவிப்பு வரும் வரை, ரசிகர்கள் மற்றும் ஊடகங்கள் இத்தகைய தேவையற்ற செய்திகளைப் பகிர வேண்டாம் என்று அவர் வேண்டுகோள் விடுத்துள்ளார். மேலும், படத்தின் வெளியீட்டுத் தேதி (Release Date) மற்றும் பிற அப்டேட்கள் குறித்து விரைவில் முறையான அறிவிப்பு வெளியாகும் என்றும் அவர் தனது பதிவில் உறுதிபடத் தெரிவித்துள்ளார்.