விஜய் படத்தில் வந்த அதே காட்சி…! ஜனநாயகன் படத்தில் மாஸாக பிளான் போட்ட வினோத்…. எதிர்பார்ப்பில் ரசிகர்கள்…!!

எச்.வினோத் இயக்கத்தில் விஜய் ஜனநாயகன் திரைப்படத்தில் நடித்துள்ளார். இந்த படம் அடுத்த ஆண்டு பொங்கல் ரிலீஸ் ஆக உள்ளது. விஜயின் கடைசி படம் என்பதால் ரசிகர்கள் மிகுந்த எதிர்பார்ப்புடன் காத்துக் கொண்டிருக்கின்றனர். ஜனநாயகன் திரைப்படம் தெலுங்கில் சூப்பர் ஹிட் ஆன பகவத் கேசரி திரைப்படத்தின் ரீமேக் தான் எனக் கூறப்படுகிறது.

தெலுங்கில் பகவந்த் கேசரி திரைப்படத்தில் நரேன் அரசியல்வாதியாக நடித்திருப்பார். அந்த கதாபாத்திரத்தில் ஜனநாயகன் திரைப்படத்தில் பிரகாஷ்ராஜ் நடித்துள்ளார். பகவந்த் கேசரி திரைப்படத்தில் வரும் ஒரு காட்சியில் போலீஸ் ஆன பாலகிருஷ்ணன் அமைச்சரான நரேனை கழுத்தில் துண்டை போட்டு எடுத்து வருவது போன்ற காட்சி படமாக்கப்பட்டிருக்கும்.

அந்த காட்சியை எச்.வினோத் வேறு மாதிரியாக எடுத்துள்ளாராம். என்னவென்றால் துண்டை கழுத்தில் போட்டு இழுத்து வருவதற்கு பதிலாக சாட்டையை கழுத்தில் போட்டு இழுத்து வருவது போல வினோத் காட்சியை மாற்றியிருப்பதாக கூறப்படுகிறது. கில்லி படத்தில் விஜய் பிரகாஷ் ராஜ் கழுத்தில் துண்டை போட்டு இழுத்து வரும் காட்சி இருக்கும். அது போலவே இந்த காட்சியும் ரசிகர்களிடையே வரவேற்பை பெறும் என எதிர்ப்பார்க்கப்படுகிறது.