CINEMA
மூன்றே நாளில் மாபெரும் வசூல் வேட்டையில் ஜெயிலர்.. தமிழகத்தில் மட்டும் இத்தனை கோடியா?.. மொத்த கலெக்ஷன் விவரம்..!!
தமிழ் சினிமாவில் முன்னணி நடிகராக திகழ்ந்து கொண்டிருக்கும் சூப்பர் ஸ்டார் ரஜினி நடிப்பில் ஆகஸ்ட் 10 ஆம் தேதி வெளியான திரைப்படம் தான் ஜெயிலர். இந்த திரைப்படத்தில் மோகன்லால், சிவராஜ்குமார், தமன்னா, ரம்யா கிருஷ்ணன் மற்றும் யோகி பாபு உள்ளிட்ட பலரும் முக்கிய கதாபாத்திரத்தில் நடித்துள்ளனர். ரஜினி நடிப்பில் வெளியான தர்பார் மற்றும் அண்ணாத்த திரைப்படங்களுக்கு ரசிகர்கள் கலவையான விமர்சனங்களை கொடுத்த நிலையில் அந்த படங்கள் எதிர்பார்த்த அளவு வெற்றி பெறவில்லை.
தற்போது ரஜினியின் ஜெயிலர் திரைப்படம் மூலம் மீண்டும் கம்பேக் கொடுத்து ரசிகர்களை அசர வைத்துள்ளார். உலகம் முழுவதும் ஆகஸ்ட் 10 ஆம் தேதி வெளியான இந்த திரைப்படத்திற்கு ரசிகர்கள் நல்ல வரவேற்பை கொடுத்துள்ள நிலையில் ரஜினி ரசிகர்கள் உற்சாகமாக கொண்டாடி வருகிறார்கள்.. இந்நிலையில் ஜெயிலர் திரைப்படம் வெளிவந்து நான்கு நாட்கள் ஆகியுள்ள நிலையில் கேரளாவில் மட்டுமே சுமார் 23.8 கோடி வரை வசூல் செய்துள்ளது.
இதனால் இதுவரை விஜய் படங்கள் செய்த அனைத்து வசூல் சாதனைகளையும் கேரளாவில் ஜெய்லர் திரைப்படம் முறியடித்துள்ளது. ஆனால் விக்ரம் திரைப்படம் செய்த 40 கோடி வசூலை இன்னும் ஜெயிலர் திரைப்படம் முறியடிக்கவில்லை. இருந்தாலும் விரைவில் இந்த திரைப்படத்தின் வசூலை ஜெயிலர் திரைப்படம் முறியடித்து விடும் என கூறப்படுகிறது. அது மட்டுமல்லாமல் உலக அளவில் ஜெயிலர் திரைப்படம் 300 கோடிக்கும் மேல் வசூலை குவித்துள்ள நிலையில் தமிழகத்தில் மட்டும் 100 கோடி வசூல் செய்துள்ளது.
