“உன்னை வீட்ல விட்டுடுறோம் வா” பார்ட்டி முடிந்ததும் காரில் அழைத்து சென்று… நள்ளிரவு 1.30 மணிக்கு ஐடி நிறுவன மேலாளருக்கு நடந்த கொடூரம்…!!

ராஜஸ்தான் மாநிலம் உதய்பூரில், தனியார் ஐடி நிறுவன மேலாளராகப் பணியாற்றும் பெண் ஒருவர், ஓடும் காரில் கூட்டு பாலியல் வன்கொடுமை செய்யப்பட்டதாகக் கூறப்படும் சம்பவம் அதிர்ச்சியை ஏற்படுத்தியுள்ளது. கடந்த டிசம்பர் 20-ம் தேதி, ஷோபாக்புராவில் உள்ள ஒரு ஹோட்டலில் நிறுவனத்தின் தலைமை நிர்வாக அதிகாரியின் (CEO) பிறந்தநாள் மற்றும் புத்தாண்டு கொண்டாட்டங்கள் நடைபெற்றன. அதிகாலை 1.30 மணி வரை நீடித்த இந்த விருந்தில் மது பரிமாறப்பட்டுள்ளது.

விருந்து முடிந்ததும், நிறுவனத்தின் பெண் நிர்வாகத் தலைவர் மற்றும் தலைமை நிர்வாக அதிகாரி ஆகியோர் மற்ற ஊழியர்களை அனுப்பிவிட்டு, பாதிக்கப்பட்ட பெண்ணை அவரது வீட்டில் இறக்கிவிடுவதாகக் கூறி காரில் அழைத்துச் சென்றுள்ளனர். செல்லும் வழியில் சிகரெட் போன்ற ஒன்றைப் பாதிக்கப்பட்ட பெண்ணிற்கு வழங்கியுள்ளனர். அதனைப் பயன்படுத்திய சிறிது நேரத்திலேயே அவர் மயக்கமடைந்துள்ளார். மயக்கம் தெளிந்து பார்த்தபோது, காரில் வைத்துத் தலைமை நிர்வாக அதிகாரி தன்னைத் துன்புறுத்தியதாகவும், கூட்டு பாலியல் வன்கொடுமை நடந்ததாகவும் பாதிக்கப்பட்ட பெண் புகார் அளித்துள்ளார்.  பாதிக்கப்பட்ட பெண்ணின் புகாரைத் தொடர்ந்து, உதய்பூர் போலீசார் கூட்டு பாலியல் வன்கொடுமை வழக்குப் பதிவு செய்துள்ளனர். இதில் தொடர்புடைய ஒரு பெண் உட்பட மொத்தம் மூன்று பேரை போலீசார் கைது செய்து விசாரணை நடத்தி வருகின்றனர்.