அரசியலுக்கு ‘குட்பை’ சொல்லும் திமுக அமைச்சர்?… முடிவுக்கு வரும் 20 ஆண்டுகால அரசியல் பயணம்… செம ஷாக்கில் ஸ்டாலின்….!

அமைச்சர் அனிதா ராதாகிருஷ்ணன் அரசியலில் இருந்து விலகப்போவதாக சமூக வலைதளங்களிலும், ஊடக வட்டாரங்களிலும் வெளியாகி வரும் தகவல் தற்பொழுது தமிழக அரசியலில் பெரும் பேசுபொருளாகியுள்ளது. நீண்ட நாட்களாக உடல்நலக்குறைவால் பாதிக்கப்பட்டுள்ள அவர், அமலாக்கத்துறையின் (ED) தொடர் நெருக்கடி மற்றும் சொத்துக்குவிப்பு வழக்கு போன்ற சட்ட ரீதியான சிக்கல்களால் கடும் மன உளைச்சலில் இருப்பதாகக் கூறப்படுகிறது. தனது அரசியல் வாரிசுகளை முன்னிறுத்த அவர் மேற்கொண்ட முயற்சிகள் எதிர்பார்த்த பலனை அளிக்காத நிலையில், தனக்கு மிகவும் நெருக்கமான விசுவாசி ஒருவரை கட்சித் தலைமைக்கு அறிமுகப்படுத்திவிட்டு, தேர்தல் அரசியலுக்கு முழுமையாக விடைபெற அவர் திட்டமிட்டுள்ளதாக கிசுகிசுக்கள் பரவி வருகின்றன.

இருப்பினும், இந்தத் தகவல்கள் அனைத்தும் அடிப்படை ஆதாரமற்றவை என்றும், திட்டமிட்டு பரப்பப்படும் வதந்திகள் என்றும் அமைச்சரின் ஆதரவாளர்கள் தரப்பில் திட்டவட்டமாக மறுப்பு தெரிவிக்கப்பட்டுள்ளது. அமைச்சர் எப்போதும் போல் தனது பணிகளில் தீவிரமாக ஈடுபட்டு வருவதாகவும், அரசியல் எதிரிகள் வேண்டுமென்றே இத்தகைய பொய்ப் பிரச்சாரங்களை மேற்கொண்டு வருவதாகவும் அவர்கள் விளக்கம் அளித்துள்ளனர். அரசியல் களத்தில் பல்வேறு சவால்களை எதிர்கொண்டு வரும் வேளையில், அமைச்சரின் அடுத்தகட்ட நகர்வு என்னவாக இருக்கும் என்பதைப் பொறுத்திருந்துதான் பார்க்க வேண்டும்.