விஜய்க்கு செக் வைத்த தனுஷ்?…. அறிவாலயத்தையும் கோட்டையையும் அலறவிடும் அந்த ரகசிய மூவ்…. 234 தொகுதிகளிலும் ரகசிய கட்-அண்ட்-ரைட் ஆர்டர்…!

தமிழக அரசியல் களம் எப்போதும் சினிமா நட்சத்திரங்களின் வருகையாலும், எதிர்பாராத திருப்பங்களாலும் பரபரப்பாகவே இருந்து வருகிறது. அந்த வரிசையில், தற்போது ஆளுங்கட்சியையும் அரசியல் வட்டாரங்களையும் ஒரே நேரத்தில் திரும்பிப் பார்க்க வைத்திருப்பவர் நடிகர் தனுஷ். கடந்த ஒரு வருடமாகப் பின்னணியில் அமைதியாகத் தனது காய்களை நகர்த்தி வந்த அவர், சமீபத்தில் தனது பிறந்தநாளில் வெளியிட்ட புதிய கொடி மற்றும் மேடையில் பேசிய பூடகமான வார்த்தைகள் மூலம் தனது அரசியல் பயணத்தின் முதற்புள்ளியை வைத்துள்ளார்.

வெறும் பெயரளவில் இல்லாமல், மிகக் துல்லியமாகத் திட்டமிட்டே தனுஷ் களமிறங்கியுள்ளார். தமிழகத்தின் 234 தொகுதிகளிலும் தனது ரசிகர் மன்றங்களை ஒருங்கிணைத்து, இந்த ஆண்டுக்குள்ளேயே உறுப்பினர் சேர்க்கையை முடிக்க நிர்வாகிகளுக்கு அதிரடி உத்தரவு பிறப்பிக்கப்பட்டுள்ளது. குறிப்பாகக் கொங்கு மண்டலத்தின் மையமான கோவையின் 10 தொகுதிகளிலும் இப்பணிகள் தீவிரமடைந்துள்ளன. இளைஞர்கள் மத்தியில் தனக்குள்ள செல்வாக்கை வைத்து, தொகுதி வாரியாகத் தனது நிஜமான ‘வாக்கு வங்கி’ எவ்வளவு என்பதைத் துல்லியமாகக் கணக்கிடவே இந்த ரகசிய வியூகத்தைக் கையிலெடுத்துள்ளதாகக் கூறப்படுகிறது.

அரசியல் வெற்றிக்கு மக்கள் தொண்டே பிரதான வழி என்பதை உணர்ந்து, தவெக அமைத்த அதே பாதையைத் தனுஷும் பின்பற்றி வருகிறார். கல்வி உதவித்தொகை, குருதிதான முகாம்கள், இலவச மருத்துவச் சேவைகள் மற்றும் அன்னதானம் என அடித்தட்டு மக்களைச் சென்றடையும் நற்பணிகளை அவர் தீவிரப்படுத்தியுள்ளார். மக்கள் மனதில் இடம்பிடித்து, அதை வாக்கு அரசியலாக மாற்றும் இந்த நகர்வுகள், தற்போதைய ஆளுங்கட்சியின் கவனத்தையும் ஈர்த்துள்ளது. இதற்கிடையே, பிரபல ஜோதிடர்களின் கணிப்புகளும், “விஜய் Vs தனுஷ்” என்ற எதிர்கால அரசியல் போட்டி குறித்த விவாதங்களும் ரசிகர்களை உற்சாகத்தில் ஆழ்த்தியுள்ளன.

தனுஷின் இந்தச் சத்தமில்லாத நகர்வுகள் வருங்காலத்தில் பெரிய அரசியல் தாக்கத்தை ஏற்படுத்தும் என்பதால், உளவுத்துறையும் அவரது செயல்பாடுகளை உற்றுநோக்கத் தொடங்கியுள்ளது. தனுஷ் மற்றும் அவரது மன்ற நிர்வாகிகளின் அன்றாட நடவடிக்கைகள், மாவட்டக் கூட்டங்கள் மற்றும் சமூக வலைதளச் செயல்பாடுகளைக் கண்காணிக்கத் தனிப்படை அமைக்கப்பட்டுத் தகவல்கள் சேகரிக்கப்பட்டு வருகின்றன. சினிமாவில் உச்சத்தில் இருக்கும்போதே அரசியல் அரியணையை நோக்கித் தனுஷ் தொடுத்துள்ள இந்த ‘சைலண்ட் அட்டாக்’, வரப்போகும் நாட்களில் தமிழக அரசியல் சதுரங்கத்தில் எந்த மாதிரியான புயலைக் கிளப்பப் போகிறது என்பதைப் பொறுத்திருந்துதான் பார்க்க வேண்டும்.